DGEMs

Maluk sira mak Kristu hadomi,

“Jesus – Ita-nia Seguransa Lolos”: Jesus, la’o iha tasi ne’ebé nakonu ho anin-boot, bolu Pedro atu la’o ba Nia. Pedro nia fiar ne'ebé klean ultrapasa nia tauk sira, no nia sai hosi ró. Reflete kona-ba, “Apóstolu sira seluk hotu, kaer metin ba seguransa falsu sira ‘ró’ nian. Tempestade sira ita-nia moris nian, laloran krize sira nian bele hamout ita, se ita la harii ita-nia seguransa lolos iha Jesus.”

Jesus la’o iha be leten

22Tuir mai Jesus haruka eskolante sira sa’e ro hodi ba uluk tasi sorin ba; Nia fali haruka ema lubun fila ba uma. 23Haruka tiha sira ba uma, Nia sa’e ba foho atu harohan mesa-mesak. To’o kalan, Nia mesak deit iha neba. 25To’o kalan fahe ba haat, Nia hakbesik ba sira hodi la’o iha tasi leten. 26Hare tiha Nia la’o iha tasi leten, eskolante sira tauk hodi dehan: “Rai na’in ida!” Sira hakilar ho tauk. 27Jesus koalia kedas ba sira dehan: “Hakmatek ba! Ha’u mak ne’e: keta tauk!” 28Ne’e duni Pedro hatan dehan: “Na’i, Ita Boot mak neba karik, haruka ha’u ba to’o Ita Boot housi laloran leten.” Ne’e duni, Jesus simu: “Mai!” 29Pedro tun housi ro hodi la’o iha laloran leten atu ba to’o Jesus. 30Maibe, hare anin hu’u maka’as, nia tauk hodi hahu mout. Nia hakilar. “Na’i, soi ha’u!” 31Jesus lolo liman kedas ba nia hodi kaer nia dehan: “Ema fiar kiik, tansa o laran namlele?”