17ª Semana Tempu Komun (Festa Santu Inácio de Loiola): Kinta-feira, loron 31 fulan Jullu 2026, July 31, 2026
Reflection on the WORD
Maluk sira mak Kristu hadomi,
“Fiar, Dúvida no Disernimentu”: Jesus Nia emar sira hakfódak tebes ho sabedoria no milagre boot sira ne’ebé Nia halo ona. Maibé ema sira ne’e hahú iha dúvida kona-bá Jesus nu’udar Mesias wainhira sira dehan katak sira hatene Nia no Nia família. Reflete; mundu sekular halo dúvida iha ita nia fiar, ka ita nia fiar metin maske iha opozisaun no rejeisaun ne’ebé ita hasoru?
Mt 13:54-58
Ema Nazare sira la simu Jesus
53Hanorin hotu tiha ho aiknanoik sira ne’e, Jesus husik rai neba. 54To’o tiha ninia rai, Nia hanorin iha sinagoga, halo ema hotu hakfodak hodi dehan: “Nia matenek ho nia kbiit hodi halo milagre hirak ne’e mai los housi nebe? 55Nia la’os badaen ai nia oan? Nia inan nia naran la’os Maria, no mos nia maun alin nia naran la’os Tiago, Jose, Simao ho Judas? 56Nia feton la hela hamutuk ho ita? Ne’e duni, buat hirak ne’e hotu, Nia hetan los housi nebe?” 57No sira lakohi simu Nia. Maibe Jesus dehan ba sira: “Iha nia rai deit no iha nia uma rasik mak ema hewai profeta ida.” 58Nia la halo milagre barak iha neba, tan ema sira la fiar.
Today's Pointers on God's Word
As you read the passage what words, phases or meanings caught your attention?
- Ba ema barak, Jesus nu’udar ema boot ida no sira rekoñese katak Nia halo buat di’ak barak no ema ida ne’ebé matenek tebes. Maibé sira hanaran (atribui) buat hirak ne’e ba Jesus Nia kualidade umana sira. Ba ema hirak ne’e, la iha buat ida mak divinu iha Jesus.
- Nune’e mos, “Oinsá dala barak ita mos la husik Lialos kona-bá Jesus Nia divindade atu penetra (tama kle’an) iha ita nia moris?” Bele ka siginifika katak ita iha tendénsia atu haré Nia tuir ita nia persepsaun umana ne’ebé kloot?
-
Reza ba grasa sira ne’ebé ita presiza atu haré no sente Jesus ho matan foun no fuan foun. Nune’e ita la monu ba hare de’it Jesus no Nia asaun sira no Nia hanorin sira hanesan buat bai-bain, maibé buat sira ne’ebé divinu.