17ª Semana Tempu Komun: Segunda-feira, loron 27, fulan Jullu 2026, July 27, 2026
Reflection on the WORD
“Maluk sira mak Kristu hadomi,
“Prezente Fiar iha Maromak”:Jesus hanorin aiknanoik mustarda musan hodi fó hanoin mai ita katak maske ita nia fiar ki’ik teb-tebes, nia iha poténsia (kbiit) atu kresesai ai-huun ne’ebé boot liu. Reflete; fiar mak ita nia prezente gratuita no fiar mak ita nia prezente presiozu hosi Maromak. Ita bele krese no serbí Maromak Nia hakaran, liu-hosi Espíritu Santu ne’ebé boot liu ita ema nia kbiit, ba Nia glória ne’ebe boot liu-tan.
Mt 13:31-35
31Jesus haktuir tan aiknanoik ida ba sira: “Reinu lalehan nian hanesan mustarda musan ida nebe ema kuda iha nia to’os. 32Musan ne’e kiik liu musan sira hotu; maibe boot mai, nia moris boot liu hotu, to’o sai aihun nebe manu sira lalehan nian mai hamahan an iha nia sanak sira.”
33Nia dehan tan aiknanoik seluk ba sira: “Reinu lalehan nian hanesan fermentu nebe feto ida kahur ho farina sasukat tolu, to’o nia sa’e di-diak.”
34Buat ne’e hotu Jesus dehan ba ema lubun boot ho aiknanoik sira; la ho aiknanoik mak Nia la koalia ba sira. 35Nune’e buat nebe uluk profeta dehan sai tuir duni: “Ha’u sei loke Ha’u ibun ho aiknanoik, Ha’u sei haklaken buat sira nebe subar houri mundu hahu.”
Today's Pointers on God's Word
As you read the passage what words, phases or meanings caught your attention?
- Ita nia fiar Kristaun tenke sai hanesan mustarda musan ne’ebé krese neneik, maibé bei-beik. Lor-loron, ita tenke koko lori ema seluk ba besik liu-tan Maromak no Nia Reinu liu-hosi testemuña (sasin) ita nia moris nian.
- Reflete kona-bá maneira sira ita nia moris nian lor-loron no husu ba ita nia-an, “Oinsá ha’u inspira ema seluk atu sai hanesan Kristu liu-tan? Iha ka ha’u nia attitude no hahalok balun, purezemplu fóti-an, egoízmu no dada ema seluk dook hosi Maromak?
-
Mai ita reza atu Espíritu Santu ne’ebé sai ona mata-dalan no inspira ona santu no santa sira sei fórma mos ita lor-loron ba dalan sira ne’ebé hanesan Kristu.