DGEMs

Maluk sira mak Kristu hadomi

“Fiar ne’ebé kle’an”: Jesus hanorin Aiknanoik kona ba ema ne’ebé kari fini hodi enfatiza katak karik ita nia fiar la kle’an, nune’e dezafiu sira no tentansaun sira ne’ebé ita hasoru sei hafraku no mos destroi ita nia relasaun ho Maromak. Maibé karik ita nia fiar, esperansa no domin (caridade) ba Maromak kle’an, ita sei fó fuan wa’in iha Maromak. Reflete; ita hakle’an dau-daun ita nia fiar, esperansa no domin iha Maromak lor-loron?

Aiknanoik kona ba ema nebe kari fini

1Iha loron hirak neba Jesus sai housi uma hodi tur iha tasi ibun. 2Ema barak teb-tebes mai hale’u Nia; tan ne’e Nia tur iha ro ida nia laran, ema lubun boot tur iha tasi ibun. 3Nia hanorin buat barak ba sira ho aiknanoik dehan: “To’os na’in ida ba kari fini iha to’os laran. 4Nia kari fini dau-daun, balun monu iha dalan ninin, manu sira mai han. 5Fini seluk monu iha fatuk laran iha nebe rai uitoan deit; sira ne’e moris kedas basa rai la dun klean; 6maibe loron sa’e, sunu tiha sira tan abut la iha, hafoin sira sai maran. 7Fini seluk monu iha aitarak klaran; aitarak sira moris mai, hanehan sira to’o mate. 8Fini seluk monu iha rai diak hodi fo fuan: balun dala atus ida, seluk ne’en nulu; seluk fali tolu nulu. 9Ema nebe iha tilun, rona ba!”