DGEMs

Maluk sira mak Kristu hadomi,

“Serbí Maromak Nia Misaun”-Fiar: Jesus fó instrusaun ba Nia apóstolu sira, “Ba no haklaken katak Reinu Lalehan nian besik ona mai;fó isin di’ak no halo mate sira moris fali. Reflete; Aman Maromak mos bolu ita ida-idak atu serbí iha Jesus Nia misaun. Ida ne’e mak onra boot tebes no laos naha todan ida. Deskobre ba ksolok kle’an liu no bensaun sira boot liu hosi hakuak misaun divina ida ne’e ho Jesus.

7Tuir dalan, haklaken ba katak reinu lalehan besik ona. 8Halo moras sira hetan isin diak ba, halo mate sira moris hi’as fali ba, halo moras lepra sira sai mos, duni sai diabu sira. Imi simu hodi la selu, fo mos hodi la hein ema selu imi. 9Keta lori osan mean, osan mutin eh osan riti iha imi nia futukabun. 10La bele lori kohe tuir dalan, hatais tahan rua, sandalias, eh aitonka; basa serbisu na’in soi atu simu nia kolen. 11Wainhira imi tama iha sidade ka knua ruma, husu lai ema se mak diak, hodi hela iha neba to’o imi sai. 12Wainhira imi tama iha uma ida, kumprimenta nia ba. 13Uma ne’e soi karik, imi nia dame sei tun ba sira; nia la soi karik, imi nia dame sei fila ba imi. 14Ema la simu imi karik eh rona imi nia liafuan, liki rai rahun housi imi nia ain wainhira imi sai housi uma ka sidade ne’e.