14ª Semana Tempu Komun: Segunda-Feira, loron 6, fulan Jullu, 2026, July 6, 2026

Reflection on the WORD

Maluk sira mak Kristu hadomi,

“Hamoe Jesus”-Fiar: Ema lubun boot sira hamoe Jesus wainhira Nia dehan katak emboot nia oan feto la mate, basá Jesus sei halo nia moris fali. Reflete; “Wainhira Jesus Nia Kompaixaun Divinu promete ita katak Nia sei hatan ba ita nia nesesidade sira ne’ebé dezesperadu, ita fiar duni Nia ka lae? Ka ita iha laran rua-rua (dúvida)? No ita hamoe Nia hanesan ema lubun sira iha Evangelho ohin nian?

Mt 9:18-19,23-26

Feto moras ran suli sai.  Jairo nia oan feto.

18Wainhira Jesus koalia dau-daun ba sira, nai ulun ida hakbesik ba Nia hodi monu ain iha nia oin dehan:  “Ha’u nia oan feto foin mate; maibe Ita boot hiit An mai tau liman ba nia, nia sei moris.”  19Jesus hamriik hodi la’o tuir nia hamutuk ho eskolante sira.

23Wainhira Nia to’o ba na’i ulun nia uma hodi hare ema hu’u flauta no ema barak seluk book an ba book an mai, Nia dehan; 24“Imi sai tiha, labarik la mate; nia toba deit.” Sira hamnasa Nia. 25Wainhira ema lubun sai ona, Nia tama ba laran, kaer labarik feto nia liman, no labarik feto ne’e hamriik. 26Liafuan kona ba buat ne’e naklekar iha rai tomak neba.

Today's Pointers on God's Word

As you read the passage what words, phases or meanings caught your attention?

  • Emboot nia fiar iha Jesus maka’as tebes, nune’e halo nia fiar katak Jesus bele halo nia oan feto moris fali karik Jesus sei tula liman ba nia (oan feto). 
  • Wainhira ita iha susar nia laran, ita nia fiar iha Jesus maka’as to’o iha ne’ebé? Ita tau limitasaun ruma ba buat ne’ebé ita fiar katak Jesus bele halo mai ita iha tempu ne’ebé ita presiza tulun? Ita nia fiar metin hanesan ho emboot nian ka lae?
  • Profundidade ita nia fiar nian depende ba oinsá ita hadomi no fiar Jesus nu’udar Na’i ita nia moris nian. Reza ba fiar ne’ebé kle’an liu-tan no relasaun pesoal liu-tan ho Na’i.