13ª Semana Tempu Komun: Sábadu, loron 4 fulan Jullu, 2026, July 4, 2026
Reflection on the WORD
Maluk sira mak Kristu hadomi,
“Mesias Nia Prezensa-Fiar”: Ema Farizeu sira kestiona Jesus Nia eskolante sira, basá sira la hadera-an iha loron Sábadu hanesan Judeu sira halo. Jesus hatan ba sira katak wainhira “noivu”, refere ba Nia-An rasik nu’udar Mesias hamutuk dau-daun ho Nia eskolante sira, lalika hadera-an lai. Reflete; Esensia hosi prátika ita nia fiar mak atu hahí, hadomi, no serbí Maromak. Prátika relijioza sira hotu mak atu halo tuir objetivu sira ne’e.”
Mt 9:14-17
14Liu tiha ne’e, Joao nia eskolante sira hakbesik ba Nia dehan: “Tansa mak ami ho fariseu sira hadera an, maibe o Nia eskolante sira lae?” 15Jesus hatan ba sira: “Noivu nia belun sira bele laran susar wainhira noivu sei hela ho sira? Loron sei to’o mai wainhira ema sei hasai noivu housi sira le’et; iha loron ne’e mak sira sei hadera an.”
16“Ema ida la bele taka hena tuan nia kuak ho hena foun, basa hena foun les hena tuan, halo kuak sai boot liu. 17Ema la tau tua foun iha kusi kulit tuan; lae karik, kusi kulit nakfera, tua nakfakar no kusi kulit aat hotu. Tau tua foun iha kusi kulit foun; nune’e buat rua ne’e la lakon.”
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, Jesus dehan ba Nia eskolante sira katak Maromak Nia Lia-fuan sei transfórma ita nia moris karik ita husik Maromak Nia futar Lia-fuan hakonu ita nia neon no fuan hanesan “kusi fóun tua nian.”
- Ita tenke mate ba ita nia ábitu pekadu nian no dalan toos (ríjidu) sira, hanesan “kusi tuan tua nian” no moris ho fiar no konfiansa fóun iha Jesus ne’ebé haraik moris rohan-laek mai ita.
-
Jesus hadomi no hakarak atu fahe Nia ksolok rohan-laek ho ita. Nia hein nafatin ita atu simu Lialos hosi Nia Liafuan ho laran no neon tomak. Reza atu simu grasa loke-an liu-tan ba Jesus Nia konvite.