13ª Semana Tempu Komun: Kuarta feira, loron 1 fulan Jullu 2026, July 1, 2026

Reflection on the WORD

Maluk sira mak Kristu hadomi,

“Ta’uk kona-bá Jesus”- Fiar:Demóniu sira ta’uk tebes Jesus no husu ba Nia atu haruka sira ba tama iha fahi sira. Ema sira ne’ebé hela iha knua mos ta’uk kona-bá Jesus ne’e Sé no husu atu Nia ba tiha fatin ne’e. Reflete; ita hotu tenke simu Jesus. Nia sei lori Lialos, dame, ksolok no realizasaun ne’ebé rohan laek ba ita nia fuan no família sira nu’udar Maromak Oan.

Mt 8:28-34

Ema sira ho diabu iha laran sai diak fali

28To’o tiha sorin balun ba, iha rai Gadara, ema na’in rua ho diabu iha laran mai housi rate hasouru Nia. Sira si’ak la diak, halo ema ida la bele liu housi dalan neba. 29Teki-teki sira hakilar. “Iha sa ida ho O no ami, Jesus, Maromak Oan? O mai iha ne’e atu halo ami terus molok nia tempu?”

30Besik iha neba fahi lubuk ida han du’ut dau-daun. 31Diabu sira husu ba Nia: “O duni sai ami karik, haruka ami tama ba fahi sira neba.” 32Nia dehan ba sira: “Tama ba!” Sira sai no tama ba fahi sira laran; sira ne’e haksoit housi rai tatinis ba tasi hodi mate hotu iha be laran. 33Fahi atan sira halai ba sidade hodi haktuir buat hotu ne’e, no mos kona ba buat nebe mosu ba ema nebe iha diabu iha laran. 34Sidade tomak sai mai hasouru Jesus. Wainhira sira hare Nia, sira husu Nia atu husik sira nia rai.

Today's Pointers on God's Word

As you read the passage what words, phases or meanings caught your attention?

  • Evangelho ohin nian fó hanoin mai ita katak la iha buat aat eh fórsa destrutivu ida bele duni sai Maromak Nia domin no protesaun mai ita, karik ita buka Maromak ho neon no laran tomak atu tuir Nia no moris tuir Nia dalan sira. 
  • Jesus Nia kbiit divinu no autoridade sei liberta ita hosi kbiit no influénsia aat sira hotu no salan nian, karik ita saran ita nia moris ba Maromak Nia providénsia no kuidadu.
  • Ita prontu atu husik no muda hahalok sira ne’ebé hadook ita hosi Maromak Nia domin no Nia grasa atu salva ita? Ita presiza halo ezame da konsiensia no ko’alia ba Maromak ho sinseridade tomak.