DGEMs

Maluk sira mak Kristu hadomi,

“Imi dehan Hau se los?” – fiar: Ema diferente iha pontu de vista la hanesan kona-bá se mak Jesus. Maibé, importante liu, Jesus presiza hatene los ka laloos, Nia disípulu sira tenki hatene Nia. Entaun, Nia husu, “imi dehan Hau se los?” Pedro hatan, “Ita mak Kristu, Maromak moris nia oan-mane.” Reflete; Resposta ne’e lori konsolasaun boot ba Jesus. “ita-nia hatan saida, ba Jesus?”

Iha tempu neba, Jesus to’o tiha rai Sesareia Filipe nian, Jesus husu ba nia eskolante sira: “Ema sira dehan Oan-Mane ne’e sé los?” Sira hatan; “Balun dehan katak Nia mak João Baptista, seluk katak Elias, seluk fali katak Jeremias ka profeta ruma.” Jesus dehan ba sira; Imi fali? Imi dehan Hau sé? Simão Pedro simu hodi dehan: “Ita boot mak Kristu, Maromak moris nia Oan-Mane.” Jesus hatan ba nia: “Ksolok ba o, Simão, Jonas nia oan, basá la’os isin ka ran mak hatudu buat ne’e ba o, maibé Hau-nia Aman ne’ebé iha lalehan. Hau dehan fali ba o, O Pedro, no iha fatuk ne’e nia leten Hau sei harii Hau-nia kreda; inferno nia odamatan sira sei la bele halo buat ida hasoru nia. Hau sei fo xavi reinu lalehan nian ba o; buat hotu ne’ebé o futu iha rai, sei futu mós iha lalehan; no buat hotu ne’ebé o kore iha rai, sei kore mós iha lalehan.”