DGEMs

Maluk sira mak Kristu hadomi,

“Harohan ho sinseridade” – fiar: Jesus hanorin nia disípulu sira atu harohan ho sinseridade, atu sira-nia harohan ba direita Nia Aman iha lalehan liu-husi: respeita Nia, buka Nia hakarak; husu ba ita-nia nesesidade sira umana nian; no Nia laran-luak; no grasa atu perdua ema seluk. Reflete; “Orasaun ‘Ami Aman’ ne’e “perfeitu no furak”, tanba orasaun ne’e mai husi Jesus nia Futar Fuan.”

Jesus dehan ba Nia disipulu sira: “Bainhira imi reza, la tenki koalia barak hanesan ema gesntiu sira, tanba sira hanoin katak ho liafuan barak mak sei rona sira. La bele hanesan sira, tanba imi Aman hatene ona saida mak imi presiza molok imi husu ba Nia. Nune’e imi tenki reza hanesan nee: 

Ami Aman iha lalehan, hahiʼi Ita-nia naran;

to’o mai ita nia reino, halo tuir ita nia hakarak, iha rai hanesan iha lalehan.

Haraik ai-han loron-loron nian mai ami ohin loron.

No perdua ami nia sala, nuʼudar ami perdua ona sira neʼebé halo sala hasoru ami.

No keta koko ami, maibé salva ami husi Ida neʼebé Aat.

‘Los duni, se imi perdua ema seluk nia sala, imi nia Aman iha lalehan sei perdua imi nia sala; maibé se imi la perdua ema seluk, imi nia Aman mós sei la perdua imi nia sala.’