Festa: Imaculada Coração de Maria nian: Sábadu, 13 Juñu 2026, June 13, 2026

Reflection on the WORD

Maluk sira mak Kristu hadomi,

"Jesus nia Sabedoria; Maria nia Fiar": Jesus nu’udar labarik, hodi tuir Ninia Aman nia vontade. Hela de’it iha Templu, atu rona no deskute ho mestre sira kona-bá Fé. Maria nu’udar Jesus nia Inan; la komprende. Nia entrega buat hotu ba Aman nia vontade. Reflete; “Hanesan Maria, ita fiar Maromak nia providensia atu proteje, tau matan no hadomi ita; iha tempu hotu-hotu ka lae?

Lukas 2:41-43,45-46,48-51a

Tinan tinan Jesus nia inan aman sira ba Jerusalem ba festa Paskua. Bainhira nia halo tinan sanulu resin rua, sira sa’e ba Jerusalem, tuir lisan festa nian. Festa hotu tiha, sira fila hikas ba uma, maibé labarik Jesus hela iha Jerusalem; nia aman sira la hatene.  Tan la hetan nia, sira fila fali ba Jerusalem hodi buka nia. Liu tiha loron tolu, sira hetan fali nia iha templu, tur hela iha ema matenek sira leet, hodi rona no husu sira.

Hare tiha nia, nia aman sira hakfodak teb-tebes. Nia inan hateten ba nia: “Ha’u oan, tan sa o halo nune’e mai ami? O nia aman ho ha’u neon susar teb-tebes hodi buka o.” Nia dehan ba sira: “Tan sa imi buka ha’u? Imi la hatene katak ha’u sei hela iha ha’u Aman nia uma?” Maibé sira la komprende lia hirak ne’e ba sira katak sa.  Jesus tun fali hamutuk ho sira ba Nazare, hodi halo tuir sira nia hakarak. Nia inan rai lia hirak ne’e hotu iha nia laran. No Jesus sai boot ba dau-daun iha matenek, otas, no kmanek iha Maromak no ema sira nia oin. 

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian, Jesus preokupa tebes ho hanorin sira ne’ebé Nia rona iha Templu no partisipa iha diskusaun sira, to’o Nia la sente katak Nia tenke fila ba Nazare hamutuk ho Nia inan-aman. 
  • Ne’e mak bensaun ida atu sai hamrok ba Maromak nia serbisu, tanba la iha dalan seluk ne’ebé di’ak liu atu uza ita nia tempu ho signifikadu liu. Moris hanesan ne’e la’os de’it ba sira ne’ebé serbí Maromak nia povu hanesan amululik, relijiozu ka leigu sira iha Kreda. 
  • Ida-ne’e envolve mos inan-aman ne’ebé moris tuir sira-nia vokasaun ho fuan tomak no la hanoin an de’it tanba domin ba Maromak. Oinsá Ita moris tuir Ita nia vokasaun loron-loron?