10a Semana Tempu Komun: Quarta-feira 10 Juñu 2026, June 10, 2026

Reflection on the WORD

Maluk sira mak Kristu hadomi,

“Lei ka Profeta sira” – Fiar: Jesus haklaken ba Ninia disípulo sira, “Ha’u maila’os atu halakon ukunfuan ka profeta sira, maibé atu kumpre sira.” Reflete; “Bainhira ita la seguru, tauk, no trauma iha ita-nia moris; ita-nia moras sira sei impede ita husi esperiensia furak sira “seguransa, konfiansa, no satisfasaun” iha ita-nia moris; ne’ebé bele mai de’it husi Maromak. Nia nunka falla.

 

Mateus 5:17-19

Jesus hateten ba ninia disipulo sira ‘Imi keta hanoin katak ha’u mai atu halakon tiha ukunfuan no profeta sira; ha’u mai la'os atu halakon, maibé atu halo tuir lo-los.  Tebes, ha’u dehan ba imi: maski lalehan no rai lakon, ukunfuan nia baluk ida mos sei la lakon, sei halo tuir hotu.

Ne'e duni, ema ne’ebé la halo tuir ukunfuan sira ne'e ida, maski ki’ik liu, hodi hanorin nune'e ba ema, ema sei hanaran nia sei ki’ik liu iha reinu lalehan. Maibé ema ne’ebé halo tuir hodi hanorin mos ema seluk, ema sei hanaran nia boot iha reinu lalehan

Today's Pointers on God's Word

As you read the passage what words, phases or meanings caught your attention?

  • Ukunfuan ne’ebé Jesus hateten iha Evangelho ohin nian mak Ukunfuan rohan-la’ek atu hadomi malu hanesan Maromak hadomi ita. 
  • Ukunfuan sira la’os nesesariamente negativu no sira nunka deskoraja ita nia liberdade no autonomia. Ukunfuan sira nia intensaun atu halo ita livre, moris iha harmónia no serbí diak liutan ba bem-komun no ita nia belun sira. 
  • Maromak nia Ukun-Fuan sira tulun ita atu sai livre liután iha ita-nia moris no fó kbiit mai ita atu hadomi malu hanesan Jesus hatudu ona ba ita. Ida-ne'e katak fo ita nia moris rasik ba ema seluk nia di'ak no salvasaun.