DGEMs

Maluk sira mak Kristu hadomi,

“Laran-makerek – fiar”: Judeu nia ema boot sira koko Jesus hodi haruka ema la selu impostu ba Cesar. Nune’e, hamosu lia la kona malu entre Nia ho autoridade Romanu sira. Maibé, Jesus konsiente hela sira-nia laran-makerek; bainhira sira hahii Nia tan Nia integridade. Reflete; “ita iha fiar ba Jesus ho integridade no komitmentu, ka ita-nia fiar ne’e hipokritikal de’it?

Sira haruka fariseu balun no Herodes nia emar sira atu halo nia ibun sala. Sira ne'e to’o tiha, sira dehan ba nia, “Mestre, ami hatene katak ita ema los, no la ta’uk ema ida; ita la fihir ema nia oin, maibé hanorin de’it dalan Na’i nian. Bele selu impostu ba Cesar ka lae? Ami sei fo ka la fo?” Hatene tiha sira nia laran makerek, nia hatan ba sira, “Tan sa imi koko ha’u? Lori osan mai atu ha’u bele hare!”  Sira lori osan mai. Nia dehan ba sira, “Ida ne'e se nia ilas no hakerek?” sira hatan “Cesar nian,”. Ne’e duni, Jesus dehan ba sira, “Fo fali ba Cesar buat ne’ebé Cesar nian; no ba Maromak buat ne’ebé Maromak nian!” Sira hakfodak kona-bá nia.