DGEMs

Maluk sira mak Kristu hadomi,

“Ingratidaun no Kaan-ten” – fiar: Jesus fo sai ba ema boot sira Judeu nian; “Ai-knanoik kona-bá to’os uvas nia na’in” hodi subliña kona-bá abuzu de poder; iha sira-nia responsabilidade sira. Reflete; “Ita agradese ba bensaun wain sira; no responsabilidade sira ne’ebé Nia konfia mai ita; ka ita iha kaan-ten ba poder no fo glória de’it ba korupsaun; hodi rejeita Maromak nia hakarak?

Jesus hahu ko’alia ba sira ho Ai-knanoik sira dehan. “Ema ida halo to'os uvas nian, hale’u nia ho lutu, ke’e kuak atu hanehan uvas no harii torre ida. Tuir mai, nia saran to'os ne'e ba agrikultor sira, no la'o ba rai seluk.  Bainhira tempu los to'o ona, nia haruka nia emar ida ba agrikultor sira atu husu aifuan sira hosi to’os. Maibé sira kaer emar ne'e, baku nia no haruka nia fila ho liman mamuk. Dala ida tan, nia haruka emar seluk ba sira. Nia mos sira baku no trata aat.  Nia haruka tan emar seluk, maibé sira oho nia. Nia haruka tan emar barak seluk; balun sira baku, balun sira oho. Nia iha tan oan mane doben. Nia haruka nia ba sira hodi dehan: ‘Sira sei hamta’uk ha’u nia oan.’ Maibé agrikultor sira dehan ba malu, ‘Ida ne'e mak nia limanrohan na'in! Mai, ita oho nia, nune'e nia limanrohan sei monu mai ita.’ Sira kaer no oho nia, hafoin soe nia ba liur. Agora saida mak to’os na'in ne'e sei halo? Nia sei mai no halo lakon agrikultor sira ne'e hodi saran to'os uvas nian ba ema seluk.