Solenidade: Santíssima Trindade: Domingo, loron 31 fulan Maiu 2026, May 31, 2026

Reflection on the WORD

Maluk sira mak Kristu hadomi,

“Trindade” – Fiar: Reflete: “Ohin, Uma Kreda selebra esensia iha ita nia fiar ne’ebe profesa: Maromak ita nia Aman nu’udar Kriador sasan hotu-hotu. Jesus, Ninia Oan mai iha mundu; tan Maromak ninia laran luak no domin ne’ebé perdua; fó ita Salvasaun Rohan-laek. No, Espírito Santo, moris iha ita nia fuan sira: dirije, inspira, no hakbiit ita atu moris-tuir Jesus ninia Evangelho.

João 3: 16-18

Iha tempu neba, Jesus dehan ba Nicodemos: “Maromak hadomi tebes mundu to’o fó Nia Oan Mane mesak, atu ema hotu ne’ebé fiar iha Nia labele lakon, maibé hetan moris rohan laek. 

Basá, Maromak la haruka nia Oan Mane mai iha mundu atu tesi lia ba mundu, maibé atu mundu hetan maksoin hodi Nia. Sei la tesi lia ba ema ne’ebé fiar iha Nia, maibé ema ne’ebé la fiar ema tesi lia ona, basá la fiar iha Maromak nia Oan Mane mesak nia naran.

Today's Pointers on God's Word

As you read the passage what words, phases or meanings caught your attention?

  • Maromak fó ita Ninia Oan mane mesak, Jesus, ne’ebé oferese Ninia an nu’udar sakrifisiu redentivu ba ita nia salan sira no salan mundu nian. Maromak ninia domin mak domin salvífiku ne’ebé hakuak mundu tomak no domin pesoal ba kada ita ne’ebé Nia kria. 
  • Maromak fó liberdade atu hili se mak ita hadomi. Ezizensia iha moris bele konfundi no impede ita nia maneira hadomi Maromak ho ita nia fuan, neon no espíritu. 
  • Maromak mak prioridade dahuluk iha ita nia moris, iha ita nia hanoin no aksaun? Ita hadomi Maromak liu sasan sira hotu? Maromak ita nia hanoin dahuluk wainhira ita hader iha dadersan? Ita fó ita nia ‘prioridade’ ba Maromak?