DGEMs

Maluk sira mak Kristu hadomi,

“Terus no Ksolok – Moris-tuir Fiar”: Jesus haklaken ba Ninia eskolante sira, “Imi sei tanisho neon sala tebtebes, maibé ‘mundu sei haksolok’; maibé imi nia terus sei nakfila ba ksolok. Reflete: “Mundu sekular ninia ambisaun, ksolok no glória sei lohi imi. Iha hadomiJesuslolos; ita bele iha ‘Ksolok’ klean no ‘Satisfasaun’ boot iha ita nia moris sira.”

Iha tempu neba. Jesus dehan ba eskolante sira, “Tebes, tebes, Ha’u dehan ba imi katak imi sei tanis no laran susar, maibé mundu sei haksolok; imi sei sai neon sala, maibé imi nia neon sala sei nakfila ba ksolok. 

Wainhira feto ida atu tur ahi, nia neon sala basá nia oras to’o ona; maibé, tur ahi hotu tiha, nia haluha ona nia terus hodi haksolok tamba ema ida moris ona ba mundu. Nune’e mos, oras ne’e imi neon sala; maibé Ha’u sei haré fali imi, no imi nia fuan sei haksolok, no ema ida labele hasai housi imi ksolok ne’ebé imi hetan. Iha loron ne’e, imi sei la husu Ha’u buat ida tan. Tebes, tebes, Ha’u dehan ba imi, imi husu buat naran de’it ba Aman, Nia sei haraik ba imi hodi Ha’u nia naran. To’o ohin imi la dauk husu buat ida hodi Ha’u nia naran. Husu ba; imi sei simu, atu imi nia ksolok sei sai lolos.”