DGEMs

Maluk sira mak Kristu hadomi,

“Sasin ba Maromak ninia Lialos”: Jesus haklaken ba Ninia eskolante sira, “Ho Espírito, imi sei sai sasin; no imi la haketak an.” No, ema sira sei persegueimi tanba sira seidauk hatene, AmanMaromak no Ha’u.” Reflete: “Ita prontu atu sakrifika no aguenta susar sira tan ita nia fiar, esperansa no domin ba Maromak? Maromak sei hamutuk ho ita.”

Iha tempu neba, Jesus dehan ba eskolante sira, “Wainhira Ksolok Na’in mai, nebe Ha’u sei haruka housi Aman, Espírito Lialos nian nebe mai housi Aman, Nia sei fó sasin kona-ba Ha’u; imi mos sei fó sasin, basá houri uluk kedas imi hamutuk ho Ha’u.” 

“Ha’u fó hatene ona buat hirak ne’e ba imi atu imi keta sidi. Sira sei duni sai imi housi sinagoga sira; maibé oras sei to’o mai wainhira ema ne’ebé oho imi sei hanoin katak nia hasa’e glória ba Maromak. Sira sei halo buat hirak ne’e tamba sira la hatene Aman, la hatene mos Ha’u. Maibé Ha’u dehan tiha buat hirak ne’e ba imi atu wainhira oras to’o mai ona, imi bele hanoin fali katak Ha’u hateten nanis ona ba imi.