DGEMs

Maluk sira mak Kristu hadomi,

“Espírito Santo ninia Lialos”: Jesus haklaken ba Ninia eskolante sira, “Aman Maromak sei haraikEspírito Lialos; ne’ebé mundu labele simu. Maibé, imi hatene Nia, tan Nia hamutuk ho imi no iha imi.” Reflete: “Ita abençoado atu hetan Prezenti Divinu husi Espírito Santo atu: guia, inspira, hakbiitita; atu moris tuir Maromak ninia Lialos; atu nune’e ita simu Grasa Salvasaun Rohan-laek.

Iha tempu neba, Jesus dehan ba eskolante sira, “Imi hadomi Ha’u karik, imi sei halo tuir Ha’u nia ukunfuan sira. Ha’u sei harohan ba Aman; no Nia sei fó ba imi Ksolok na’in seluk ida atu hela nafatin ho imi. Nia mak Espírito Lialos nian, ne’ebe mundu labele simu, basá la hare Nia no la hatene Nia. Imi hatene Nia, tan Nia hela iha imi, no sei horik iha imi laran. Ha’u sei la husik imi oan kiak; Ha’u sei fila fali ba imi. 

La kleur tan, mundu sei la hare ona Ha’u; maibé imi sei haré Ha’u; basá Ha’u moris no imi mos sei moris. Iha loron neba imi sei hatene katak Ha’u hela iha Ha’u Aman, no imi iha Ha’u, no Ha’u iha imi. Ema ne’ebé simu hodi halo tuir Ha’u nia ukunfuan, nia mak hadomi Ha’u; no ema ne’ebé hadomi Ha’u, Ha’u Aman sei hadomi nia; no Ha’u sei hadomi nia hodi hatudu ba nia Ha’u An rasik.”