DGEMs

Maluk sira mak Kristu hadomi,

“Jesus ninia mate iminente”: Jesus transmiti Ninia Damen ba Ninia eskolante sira no profetiza, “Imi keta laran susar. Ha’u ba ona, no ha’u sei fila fali.” Reflete: “Ita nia moris sira la’os de’it dada is iha mundu ne’e. Moris iha eternidade ho Maromak, no santu sira hotu iha lalehan. Permiti Lialos ne’e atu hakbiit ita; no atu simu kruz iha moris mundu nian.”

Iha tempu neba, Jesus dehan, “Dame Ha’u husik ba imi, Ha’u nia dame Ha’u fó ba imi; la’os hanesan mundu fó mak Ha’u fó ba imi. Keta laran susar ba; keta tauk ba. Imi rona katak Ha’u hateten ona ba imi: ‘Ha’u ba, no Ha’u sei fila fali ba imi.’ Imi hadomi tiha Ha’u karik, imi sei haksolok tan Ha’u ba Ha’u Aman, basá Aman boot liu fali Ha’u. 

Ha’u hateten sai buat ne’e kedas ba imi molok nia mosu, atu wainhira nia mosu, imi fiar. Ha’u sei la hateten tan buat barak ba imi, basá ukun na’in mundu ne’e nian mai dau-daun ona. Nia laiha kbiit atu ukun Ha’u; maibé atu mundu bele hatene katak Ha’u hadomi Aman, no oinsa Aman haruka Ha’u, nune’e mak Ha’u halo.