DGEMs

Maluk sira mak Kristu hadomi,

“Jesus – Salvasaun Rohan-laek”: Jesus haklaken, “Ha’u mak Dalan, Lialos no Moris. Ema ida la liu husi ha’u, labele ba Aman Maromak.” Reflete: “Maromak ita nia Kriador, dejeza atu kada ema simu Salvasaun Rohan-laek. Nia harukaNinia Oan, Jesus atu hatudu ita; oinsa ita bele simu Grasa Divina. “Ita hadomi Jesus klean nu’udar “Dalan, Lialos, no Moris”?

Iha tempu neba, Jesus hateten ba eskolante sira, “Imi neon keta susar. Imi fiar iha Maromak, fiar mos iha Ha’u. Iha Ha’u Aman nia uma iha fatin wa’in. Lae karik, Ha’u dehan ba imi katak Ha’u ba hadia fatin ba imi?’ Wainhira Ha’u ba ona hodi hadia ona fatin ba imi, Ha’u sei fila hikas mai hodi lori imi ho Ha’u; nune’e, iha fatin ne’ebé Ha’u hela, imi mos sei hela ba. 

“Ha’u ne’e dalan, lialos no moris. Ema ida la liu karik housi Ha’u, nia labele hakbesik Ha’u Aman. Imi hatene ona Ha’u karik, imi hatene ona mos Ha’u Aman. Houri ohin ba oin, imi hatene ona Nia no haré ona Nia.” 

Fiar Ha’u katak Ha’u hela iha Aman, no Aman hela  iha Ha’u. Lae karik, fiar tamba hahalok hirak ne’e. Tebes, tebes, Ha’u dehan ba imi: ema ne’ebé fiar iha Ha’u sei halo mos hahalok sira ne’ebé Ha’u halo; nia sei halo hahalok boot liu fali hirak ne’e, tan Ha’u atu la’o ba Aman.