DGEMs

Maluk sira mak Kristu hadomi,

“Jesus hakbiit” – Fiar: Jesus garantia Ninia eskolante sira, “Se mak fiar iha Ha’u, sei halo serbisu hanesan nu’udar ha’u halo; obra boot sira tan...” Reflete: “Wainhira ita hadomi Jesus, Nia sei empodera ita, liuhusi Espírito Santo; sai sasin Ninia Evangelho, no unidu liu ho Nia; iha serví Aman Maromak ninia misaun salvasaun ba ema hotu-hotu.”

Iha tempu neba, Jesus hateten ba Ninia eskolante sira, “Imi hatene ona Ha’u karik, imi hatene ona mos Ha’u Aman. Houri ohin ba oin, imi hatene ona Nia no haré ona Nia.” Filipe husu ba Nia: “Na’i, hatudu Aman mai ami; ne’e to’o ona mai ami.” Jesus dehan ba nia: “Ha’u hela kleur ona ho imi, Filipe, no imi seidauk hatene Ha’u? Ema ne’ebé haré ona Ha’u, haré ona mos Ha’u Aman. Nusa mak o dehan: ‘Hatudu Aman mai ami?' O la fiar katak Ha’u hela iha Aman no Aman hela iha Ha’u? Liafuan hirak ne’ebé Ha’u dehan ba imi, Ha’u la dehan hodi Ha’u an rasik. Ha’u Aman ne’ebé hela iha Ha’u mak halo Nia hahalok. Fiar Ha’u katak Ha’u hela iha Aman, no Aman hela  iha Ha’u. Lae karik, fiar tamba hahalok hirak ne’e. Tebes, tebes, Ha’u dehan ba imi: ema ne’ebé fiar iha Ha’u sei halo mos hahalok sira ne’ebé Ha’u halo; nia sei halo hahalok boot liu fali hirak ne’e, tan Ha’u atu la’o ba Aman. 

Buat naran de’it ne’ebé imi husu hodi Ha’u nia naran, Ha’u sei halo, atu Aman hetan glória iha Oan Mane; imi husu karik buat ida hodi Ha’u nia naran, Ha’u sei halo.”