DGEMs

Maluk sira mak Kristu Hadomi,

“Rejeisaun ba Maromak ninia Liafuan Salvasaun”: Jesus haklaken, “Ha’u mai la’os atu tesi liahasoru mundu. Ema ida hakribi no la simu Ha’u niaLiafuan sira” hili kondenasaun ba ninia an. Reflete: “Ita tenkitoma responsabilidade ba ita-nia desizaun sira iha moris:tuir Jesus fiel no simu moris rohan-laek, ka hakribi Nia no hasoru kastigu rohan-laek.”

Iha tempu neba Jesus hasa’e  lia dehan: “Ema ne’ebé fiar iha Ha’u, la fiar iha Ha’u maibé iha Ida ne’ebé haruka Ha’u mai. No ema ne’ebé hare Ha’u, hare Ida ne’ebé haruka Ha’u mai. Ha’u mai iha mundu nu’udar naroman atu ema ne’ebé fiar iha Ha’u la hela iha nakukun laran. 

Ema ida rona karik Ha’u nia liafuan maibé la halo tuir nia, Ha’u la tesi lia hasouru nia; basá Ha’u la mai atu tesi lia hasouru mundu, maibé atu soi mundu. Ema ne’ebé hakribi Ha’u hodi la simu Ha’u nia liafuan, nia iha ona ida ne’ebé sei tesi lia hasouru nia: liafuan ne’ebé Ha’u dehan mak sei tesi lia hasouru nia iha loron ikus. Basá Ha’u la koalia hodi Ha’u nia An rasik; maibé Aman ne’ebé haruka Ha’u mai, Nia mak haruka Ha’u atu hateten sa los, no atu dehan sa. No Ha’u hatene katak Nia ukunfuan mak moris rohan laek. Ne’e duni, Ha’u koalia nu’udar Aman haruka Ha’u, nune’e mak Ha’u koalia.”