DGEMs

Maluk sira mak Kristu Hadomi,

“Jesus Bibi-atan Diak” - Fiar:Jesus haklaken katak Niamak “Bibi-atanDiak”. Nia hatene, kria amizadeno dirije kada bibi pessoalmente ho naran. Reflete: “Lialos Divinu ida ne’e mak Maromak Kbiit Tomak ne’ebé hadomi ita klean tebes; hakarak atu terus no mate ho ita; hetan Moris; atu nune’e ita bele simu moris rohan-laek. Ita hadomi Jesus klean tebesno pessoalmente?”

Jesus lia tun nune’e, “Ha’u mak bibi atan di’ak. Bibi atan di’ak saran nia moris ba nia bibi sira. Maibé ema ne’ebé la’os bibi atan tan nia la’os bibi na’in, hare tiha asu fuik mai, nia halai hodi soe bibi sira, ne’ebé asu fuik kaer hodi halo namkari. Tan nia ema kontratu na’in, la hanoin bibi sira. 

Ha’u mak bibi atan di’ak; Ha’u hatene Ha’u nia bibi sira, no Ha’u nia bibi sira hatene Ha’u. Nu’udar Aman hatene Ha’u, nune’e mos Ha’u hatene Aman; no Ha’u saran Ha’u nia moris ba Ha’u nia bibi sira. Ha’u iha tan bibi seluk ne’ebé seidauk tama iha bibi luhan ida ne’e. Ha’u sei dada mos sira mai. Sira sei rona Ha’u nia lia, no sei iha bibi luhan ida de’it ho bibi atan ida de’it. 

Tan ne’e, Aman hadomi Ha’u tamba Ha’u saran Ha’u nia moris atu simu fali nia. Ema ida la hasai nia housi Ha’u; maibé Ha’u saran nia hodi Ha’u rasik nia hakarak. Ha’u iha kbiit atu saran Ha’u nia moris, no mos iha kbiit atu simu fali nia. Ida ne’e mak ukunfuan ne’ebé Ha’u simu housi Ha’u Aman.”