DGEMs

Maluk sira mak Kristu Hadomi,

“Kristu ninia Isin no Ran” - Fiar: Jesus haklaken klaramente, “Ema ne’ebé han Ha’u nia isin no hemu Ha’u nia ran, hetan Moris Rohan-laek. No, Ha’u sei halo nia moris hias iha loron ikus. Ha’u nia isin aihan duni, no Ha’u nia ran tua duni.” Reflete: “Alimentasaun Espiritual ne’e iha Eukaristia mak prezenti furak liu hotu. Ita iha gratidaun klean ba Jesus ka la’e?

Ema Judeu sira haksesuk malu dehan: “Oinsa mak Nia bele fó nia isin mai ita atu han?”Jesus hatan ba sira: “Tebes, tebes, Ha’u dehan ba imi: imi la han karik Oan Mane nia isin, imi la hemu karik nia ran, imi sei la hetan moris iha imi. Ema ne’ebé han Ha’u nia isin no hemu Ha’u nia ran hetan moris rohan laek, no Ha’u sei halo nia moris hi’as iha loron ikus. Basá Ha’u nia isin aihan duni, Ha’u nia ran tua duni. Ema ne’ebé han Ha’u nia isin no hemu Ha’u nia ran horik iha Ha’u, no Ha’u horik iha nia. 

Nudar Ha’u Aman ne’ebé moris haruka Ha’u mai, no Ha’u moris tamba Aman, nune’e mos ema ne’ebé han Ha’u, sei moris tamba Ha’u. Ne’e mak pão ne’ebé tun mai housi lalehan; la’os hanesan ida ne’ebé imi nia aman sira han, hafoin sira mate hotu; ema ne’ebé han pão ne’e sei moris ba nafatin.” Jesus hateten lia hirak ne’e iha sinagoga wainhira nia hanorin iha Kafarnaum.