DGEMs

Maluk sira mak Kristu Hadomi,

“Salvasaun Rohan-laek” - Fiar: Jesus haklaken katak Aman Maromak ninia hakaran mak ema ida-idak hetan “Salvasaun Rohan-laek.” Maibé, ema barak hili atu uza sala sira-nia liberdade; falta apresia Maromak ninia domin no laran luak, no hadook an husi Ninia Prezente Divinu. Reflete: “Maromak ninia domin mai ita mak infinitu, maibé ita hadomi Nia klean no pessoalmente lorloron ka la’e?

Jesus hatan ba sira: “Ha’u mak pão moris nian. Ema ne’ebé hakbesik Ha’u sei la hamlaha tan; no ema ne’ebé fiar iha Ha’u sei la hamrook tan. Maibé Ha’u dehan ona ba imi katak maski imi hare tiha Ha’u, imi la fiar. 

Sira hotu ne’ebé Aman fó mai Ha’u, sei hakbesik Ha’u; no ida ne’ebé hakbesik Ha’u, Ha’u sei la duni sai ba liur. Basa Ha’u tun mai housi lalehan la’os atu halo Ha’u nia hakarak, maibe Ida ne’ebé haruka Ha’u mai nia hakarak. No Ida ne’ebé haruka Ha’u mai nia hakarak mak ida ne’e: katak Ha’u keta lakon ema ne’ebé Nia fó tiha mai Ha’u, maibé halo nia moris hi’as iha loron ikus. 

Basá Ha’u nia Aman nia hakarak mak ida ne’e: katak ema ida-ida ne’ebé hare Oan Mane hodi fiar iha Nia hetan moris rohan laek; no Ha’u sei halo nia moris hi’as iha loron ikus.”