Semana Datolu iha Tempu Páscoa: Tersa-feira, loron 21 fulan Abril 2026, April 21, 2026
Reflection on the WORD
Maluk sira mak Kristu Hadomi,
“Pão Moris nian” - Fiar: Jesus haklaken ba ema lubun boot, “Ha’u mak ‘Pão moris nian’”. Ema ne’ebé hakbesik Ha’u sei la hamlaha tan; no ema ne’ebé fiar iha Ha’u sei la hamrook tan.” Reflete: “Lialos Divinu ne’e hatudu Jesus ninia Isin no Ran iha Eukaristia. No, Lialos ida ne’e furak liu husi osan mean no propriedade ruma. Ita aseita Lialos ne’e ho gratidaun klean?”
João 6:30-35
Sira hasa’e lia ba Nia: “Sinal sa los mak Ita halo, atu ami hare hodi fiar ba Ita? Hahalok saida mak Ita halo? Iha rai fuik maran, ami nia beiala sira han mana, tuir Eskritura hateten: ‘Nia fó han sira ho pão ne’ebé tun housi lalehan.”
Jesus hatan ba sira: “Tebes, tebes, Ha’u dehan ba imi katak la’os Moises mak fó ba imi pão housi lalehan; maibé Ha’u Aman mak fó ba imi pão lolos housi lalehan. Basá Maromak nia pão mak ida ne’ebé tun housi lalehan hodi fó moris ba mundu.”
Sira dehan ba Nia: “Na’i, haraik nafatin pão ne’e mai ami.” Jesus hatan ba sira: “Ha’u mak pão moris nian. Ema ne’ebé hakbesik Ha’u sei la hamlaha tan; no ema ne’ebé fiar iha Ha’u sei la hamrook tan.
Today's Pointers on God's Word
As you read the passage what words, phases or meanings caught your attention?
- Dala barak, hanesan Judeu sira ne’ebé iha dúvida no la fiar, ita mos husu Jesus atu simu sinal hodi prova katak Nia mak Maromak Oan, Ita-nia Messias.”
- Ita haluha katak ita sei hasoru Maromak ninia kbiit no domin se ita hakarak konfia Nia. Nune’e mak ita sei senti ‘hamlaha ka hamrook’ tan. Laiha fiar, Maromak labele toka ita-nia fuan sira.
-
Buat di’ak sira ita halo, buat di’ak sira ita simu posível de’it liuhusi Maromak ninia kbiit no domin. Ho ita-nia an, ita laiha kapasidade atu atinji kualker sasan; no ita labele haluha ne’e.