DGEMs

Maluk sira mak Kristu Hadomi,

“Moris husi Espírito” - Fiar: Jesus dehan ba Nicodemos, “Imi tenki moris fali husi leten; moris fali husi Espírito; no fiar iha Maromak Oan; ne’ebé iha Moris Rohan-laek.” Reflete: “Prezente Salvasaun Rohan-laek so bele mai husi Maromak no la’os liuhusi meius humana no promesa sira. Ita lebele ‘salva ita-nia an’; Maromak de’it mak bele fó ita grasa Moris Rohan-laek no Ksolok.

Keta hakfodak tamba Ha’u  dehan ba o, ‘Imi ten ke moris fali housi leten.’ Anin hu’u ba fatin ne’ebé nia hakarak; o rona nia lia, maibé o la hatene nia mai housi ne’ebé no nia ba ne’ebé. Nune’e mos ho ema hotu ne’ebé moris housi Espírito.” 

Tebes, tebes, Ha’u hateten ba o katak ami koalia kona-ba buat ne’ebé ami hatene, hodi fó sasin kona-ba buat ne’ebé ami hare ona; maibé imi la simu. Ha’u koalia kona-ba sasan mundu ne’e nian karik, no imi la fiar Ha’u; oinsa mak imi bele fiar wainhira Ha’u koalia kona-ba sasan lalehan nian? Ema ida la dauk sa’e ba lalehan; maibé Ida deit ne’ebé tun housi lalehan, katak Oan Mane. Nu’udar Moises foti samea iha rai fuik maran, nune’e mos ema tenki foti Oan Mane, atu ema hotu ne’ebé fiar iha Nia bele hetan moris rohan laek.