DGEMs

Maluk sira mak Kristu Hadomi,

“Kristu Moris-hias!” - Fiar: Ita-nia Na’i Moris-hias, hatudu “milagre kaer ikan” iha Tasi Tiberiades ba apóstolo sira. No, tunu no han matabisu ho sira. Reflete: “Jesus ita-nia Na’i Moris-hias ‘prezente’ iha ita-nia esperiensia lorloron: wainhira ita halo serbisu, diskansa, han-kalan; ho família, mesak, iha orasaun. Harohan atu senti Ninia Prezensa, Kbiit no Providencia.”

Jesus hatudu An dala ida tan besik tasi Tiberiades. Nia mosu nune’e. Simão Pedro hateten ba sira: “Ha’u ba kaer ikan.” Sira dehan ba nia: “Ami mos ba hotu ho o.” Sira sai no sae ba ro, maibé iha kalan neba sira la hetan ikan ida. Iha rai hun mutin, Jesus hamriik iha tasi ibun; maibé eskolante sira la hatene katak Nia mak Jesus. 

Jesus dehan ba sira: “Labarik sira, imi iha buat ruma atu han?” Sira hatan: “La iha” Nia simu fali: “Soe imi nia dai ba ro nia sorin kuana no imi sei hetan.” Ne’e duni, sira soe dai, hafoin sira labele dada mai, tan ikan barak liu. 

Jesus dehan ba sira: “Mai han.” Eskolante sira ida mos la berani atu husu ba Nia “Ita se los?” tan sira hatene katak Nia mak Na’i. Jesus hakbesik, kaer pão hodi fó ba sira; nune’e mos ho ikan. Ne’e ba dala tolu ona mak Jesus mosu ba nia eskolante sira, liu tiha Nia moris hi’as housi mate.