DGEMs

Maluk sira mak Kristu Hadomi,

“Konsiente ho Na’i Moris-hias” - Fiar:Eskolante nain ruala hatene Jesus, Na’i Moris-hias, tan sira senti triste kona-ba Jesus ninia Terus no Mate. Jesus dehan, “Imi beik duni, neon badak atu fiar profeta sira hateten”. Reflete: “Wainhira ita iha depresaun, hirus, tauk etc, ita lakon fiar iha Jesus ka depende tomak ba Nia?”

Iha loron neba eskolante na’in rua la’o ba knua ida naran Emaus, besik kilometru ualu housi Jerusalem. Sira koalia ba malu kona-ba buat ne’ebé mosu. Sira sei koalia hodi haksesuk malu dau-daun, Jesus rasik hakbesik hodi la’o hamutuk ho sira. Maibé sira nia matan la dauk nakloke atu hatene Nia. Nia dehan ba sira: “Imi koalia ba malu kona-ba sa ida tuir dalan?” Sira para tiha ho oin nakraik. 

Sira hatan: “Kona-ba Jesus Nazaré, profeta ida beran boot iha lia no hahalok iha Maromak no povu tomak nia oin: oin sa ita nia amlulik boot no na’i ulun sira saran Nia ba mate hodi hedi Nia ba cruz. Los duni, ami nia feto maluk balun halo ami hakfodak, basá dadersan hela, sira ba rate; hafoin, la hetan Nia isin, sira mai haktuir katak sira hare anju sira ne’ebé dehan katak Nia moris. 

Nia dehan ba sira: “Imi ema beik duni, no neon badak atu fiar buat hotu ne’ebé profeta sira hateten! Messias sei la terus buat hirak ne’e atu nune’e Nia bele tama iha Nia glória?” Hafoin, hahú housi Moises no profeta sira hotu, Nia hatudu ba sira buat hotu ne’ebé hakerek tiha kona-ba Nia.