Domingo Ressureisaun: Domingo, loron 05, fulan Abril 2026, April 5, 2026

Reflection on the WORD

Maluk sira mak Kristu Hadomi,

“Jesus Kristu moris hias!”: Pedro halai ba rate; tama no hare “hena rohan lulun an iha rai, no hena ne’ebé taka Jesus ninia ulun lulun an didiak. João mós hare no fiar. Reflete: “Se ita-nia fiar iha Kristu klean, evidensia sira kona-ba Jesus ninia Moris-hiastoka ita klean. Oinsa ita-nia fiar iha Jesus? Ita prontu mate ba Jesus?”

Jo. 20:1b-9

Iha dadersan nakukun, Maria Madalena ba to’o rate hodi hare fatuk iha rate nia oin duir tiha ba sorin. Nia halai fali hasouru Simão Pedro no eskolante ida seluk ne’ebé Jesus hadomi hodi dehan ba sira: “Ema lori tiha Na’i housi rate no ami la hatene sira tau los Nia iha ne’ebé!” 

Pedro ho eskolante ida seluk sai kedas ba rate. Sira halai hamutuk maibé eskolante ida seluk lalais liu Pedro hodi to’o uluk rate. Nia hakru’uk hodi hare hena sira namkari iha rai maibé nia la tama. Simão Pedro mos to’o tuir nia; nia tama iha rate laran hodi hare hena sira namkari iha rai, no mos hena mutin ne’ebé hodi falun Jesus nia ulun, ketak housi hena sira seluk lulun iha fatin seluk. 

Hafoin, eskolante ida seluk ne’ebé to’o uluk ba rate tama hotu. Nia hare hodi fiar. Iha oras ne’e, sira nia neon la dauk nakloke ba lia eskritura nian katak Nia sei moris hi’as duni housi mate.

Today's Pointers on God's Word

As you read the passage what words, phases or meanings caught your attention?

  • Maria Madalena iha domin klean ba Jesus tanba Maria esperiensia Jesus ninia perdaun no laran luak ne’ebé liberta nia husi ninia salan. Tan ne’e, wainhira nia hare rate mamuk, nia halai kedas ba Pedro hodi husu tulun. 
  • Maria kontinua hadomi no fiar Jesus maske nia la intende mistériu kona-ba Liafuan Diak Salvasaun ne’ebé Jesus haklaken, moris-tuir, no hanorin. 
  • Kada ita dezafia ita-nia an atu dezenvolve ita-nia relasaun klean ho Jesus liuhusi moris-tuir ita-nia fiar iha domin konkretu, kompaixaun, no serví nu’udar Jesus hatudu ona. Se ita hili atu moris iha maneira ida ne’e, Espírito husi Jesus Moris-hias sei fó-roman no troka ita-nia moris.