Vigília Pascal: Sábadu, loron 04 fulan Abril 2026, April 4, 2026
Reflection on the WORD
Maluk sira mak Kristu Hadomi,
“Jesus moris hias husi Ninia Mate”: Iha Evangelho ohin, Maria Madalena no Maria ida seluk ba Jesus ninia rate. Sira hare anju nain ida duir fatuk ne’ebé taka Jesus Ninia rate ba sorin; hato’o ba sira katak Jesus moris hias. Reflete: “Milagre Kristu Moris-hias fó-sasin kona-ba Lialos no Liafuan Diak kona-ba Salvasaun Rohan-la’ek. Ita haksolok iha Kristu?”
Mt. 28:1-8
Liu tiha loron Sábadu, iha dadersan nakukun loron uluk semana nian, Maria Madalena no Maria, ida seluk ba hare rate. Teki-teki rai nakdoko maka'as, basá Na’i nia anju ida tun housi lalehan, hakbesik mai, duir tiha fatuk hodi tur iha nia leten. Nia oin hanesan rai lakan no nia hatais mutin hanesan neve. Guarda sira nakdedar ho tauk tanba nia, to'o sai hanesan mate.
Maibé anju koalia hodi dehan ba feto sira: “Keta tauk. Ha’u hatene katak imi buka Jesus, ne’ebé ema hedi iha cruz. Nia la iha ne'e, Nia moris hi'as tiha ona nu’udar Nia dehan nanis. Mai hare fatin ne’ebé sira hatoba Nia. La’o ba hodi dehan ba Nia eskolante sira: 'Nia moris hi'as ona housi mate, no sei ba uluk liu imi iha Galileia. Imi sei hare Nia iha neba. Ha’u fó sai ona ida ne’e ba imi.”
Sira husik kedas rate; ho laran tauk no ksolok boot, sira halai atu fó hatene ba eskolante sira.
Today's Pointers on God's Word
As you read the passage what words, phases or meanings caught your attention?
- Maromak bolu ita hotu atu sai Ninia kolaborador atu atinje Ninia misaun soin mundu tomak.
- Labele hanesan soldadu Romanu sira, ne’ebé depois de hare Cristo Moris-hias, sira senti tauk, kuaze hanesan sira mate. Maibé, ita deveser haksolok no loke ita-nia fuan ba Maromak Ninia Espírito atu toka ita ba Jesus, Ita-nia Na’i Moris-hias no Maksoyn, ba ema hotu-hotu.
-
Jesus moris hias; moris rohan la’ek mak ita-nia destinu. Ita tenki moris fiar nian total no permiti Lialos ne’e transforma ita-nia moris lorloron. Ita tenki hahú atu hare ita-nia moris atual husi perspektivu ksolok rohan la’ek.