DGEMs

Maluk sira mak Kristu Hadomi,

“Jesus ninia Paixaun” - Fiar:Pilatos hatene Jesus inocente husi krimi, maibé nailulik boot no guarda sira hakilar, “Oho Nia!”. Pilatos aseita, no nia sala hanesan sira seluk: nia proteje ninia an liuhusi ninia tauk. Reflete: “Ita mos tauk ho dezafiu sira iha ita-nia fiar, no ita-nia hadomi-an lori ita kondena Jesus?”

Jesus ho nia eskolante sira hakat liu ba mota Sedrom. Sira tama iha to’os ida iha neba. Tuir mai, Pilatos haruka ema lori Jesus hodi baku Nia. Pilatos sai fali hodi dehan ba sira: “Hare ba. Ha’u hatudu Nia ba imi atu imi hatene katak Ha’u la hetan sala ida iha Nia.” Nune’e Jesus sai mai iha liur, ho koroa ai tarak nian no unuk mean. Pilatos dehan: “Ema mak ne’e!” Hare tiha Nia, amlulik boot no guarda sira hakilar dehan: “Hedi Nia ba cruz! Hedi Nia ba cruz!” Pilatos dehan ba sira: “Imi rasik lori Nia ba hodi hedi Nia ba cruz; tan ha’u la hetan sala ida iha Nia.” 

Ne’e duni, Pilatos saran Jesus ba sira atu sira hedi Nia ba cruz. Tuir mai Judeu sira lori Jesus no Nia sai ba liur hodi Nia lori nia cruz iha nia kbaas ba fatin ida naran “ulun ruin fatin,” ne’ebé dehan iha lia Hebreu “Golgota.” Iha neba sira hedi Nia iha cruz hamutuk ho ema na’in rua, ida iha sorin ida-ida, no Jesus iha klaran. Pilatos haruka hakerek ai kabelak ida atu tara iha cruz. Hakerek nune’e: “Jesus Nazaré, Judeu sira nia liurai.” 

Nia inan, nia inan nia alin, katak Maria, Cleofas nia fen, ho tan Maria Madalena hamriik besik Jesus nia cruz. Tuir mai, tan hatene ona katak buat hotu la’o tuir ona, atu halo tuir lo-los escritura, Jesus dehan: “Ha’u hamrook!” Iha neba iha buli oan ida ho tua sin, tan ne’e, sira habokon esponia ida iha tua sin ne’e, tau iha fafulu tutun hodi lolo ba Jesus nia ibun. Koko tiha tua sin ne’e, Jesus dehan: “Buat hotu tuir los ona,” hafoin, Nia halis Nia ulun hodi saran nia klamar.