DGEMs

Maluk sira mak Kristu Hadomi,

“Na’i nia Ultima Ceia”: Jesus fase apóstolo sira nia ain hodi hatudu sinal katak Ninia Misaun husi Aman Maromak; mak “Sakrifika iha Servi.” Servi ida nune’e total no inkondisional; maske tengki aseita Ninia Terus no Mate. Reflete: “Ne’e mak ‘Sakrifisiu Divinu’ boot liu ne’ebé Jesus konvida ita atu aseita. “Ita-nia fiar no domin ba Nia, klean hodi aseita ‘sakrifisiu’ ne’e?

Jesus hamriik housi mesa, kolu nia unuk no hola hena mutin naruk ida hodi kesi ba nia knotak. Tuir mai, Nia tau be iha basia ida no hahú fase apóstolo sira nia ain hodi hamaran sira ho hena mutin ne’ebé bobar hela iha nia knotak. Nia to’o ba Simão Pedro ne’ebé dehan: “Na’i, Ita atu fase atan Ha’u nia ain?” Jesus hatan ba nia: “Oras ne’e o la bele hatene buat ne’ebé Ha’u halo dau-daun; ikus mai o sei hatene.” Pedro simu: “Lae, ba nafatin Ita sei la fase ha’u nia ain!” Jesus dehan fali ba nia: “Ha’u la fase o nia ain karik, o sei la iha parte ho Ha’u.” Simão Pedro hasa’e fali lia ba Jesus dehan: “Ne’e sa, Na’i, fase la’os ha’u ain deit; fase mos ha’u liman no ulun.” 

Fase hotu tiha sira nia ain, no hola fali nia unuk, Nia fila ba nia fatin hodi dehan ba sira: “Imi komprende Ha’u halo sa los ba imi? Imi bolu Ha’u Mestre no Na’i; imi dehan los: Ha’u nune’e duni. Ne’e duni, Ha’u, Na’i no Mestre, fase karik imi nia ain,  imi mos sei fase nia ain ba malu. Basá Ha’u fó ezemplu ba imi, atu, nu’udar Ha’u foin halo ba imi, imi mos banati tuir.