DGEMs

Maluk sira mak Kristu Hadomi,

Mistério Diviño husi Jesus – Fiar: Evangelho ohin, Jesus han kalan iha Betani ho Lázarus, ne’ebe moris hias; no Maria kose ba Jesus nia ain mina-morin be folin karun liu; ne’ebe uza iha Nia rate. Reflete; Maromak nia Misterio Diviñu mak haraik-an, haklean liu-husi orasaun; no la dúvida tan ita-nia razaun superfisial sira.

Loron neen molok festa Paskua, Jesus ba Betania. Lazaro ne’ebé Jesus halo moris hi’as housi mate horik iha neba. Sira fó han Jesus. Lazaro han hamutuk ho Nia. Marta serbí meja. Maria fali hola mina morin litru ida ho folin boot hodi kose no hamaran Jesus nia ain ho nia fuuk, to’o mina nia morin hakonu uma laran tomak.      

                 Eskolante sira ida, Judas Iscariotes, Simao nia oan, ida ne’ebé atu saran Nia, husu: “Tansa ita la fa’an mina morin ne’e ba denariu atus tolu, hodi fó osan ba ema kiak sira?” Nia hateten ne’e la’os tan nia hanoin ema kiak sira, maibé tamba nia na’okten ida; nia kaer bornal no dala barak nia foti osan ne’ebé ema tau ba. Jesus dehan: “Husik nia ba, basa lo-los nia sei halo ne’e ba loron ema hakoi Ha’u; ema kiak sira imi sei iha nafatin, maibé imi sei la iha Ha’u ba nafatin.”