5a Semana tempo Quaresma: Segunda-feira 23 Marsu 2026, March 23, 2026

Reflection on the WORD

Maluk sira mak Kristu Hadomi,

“Laran-luak” – Fiar: Eskriba no Farizeu sira, hakarak kokoJesus atu kondena feto ne’ebe halo sala adulteiru hodi tuda mate nia. Jesus hatan, “imi ida ne’ebe sala la iha, nia mak tuda uluk feto ne’e. Sira ida-idak husik, hahu husi katuas sira. Reflete: “Ita hotu sala-nain, no ita sei nafatin kondena ema seluk nia salan sira?

João 8:1-7, 9a

Jesus sa’e ba Foho Oliveira nian. Iha dader, Nia mosu fali iha templu. Povu tomak hakbesik Nia, no Jesus tur hodi hanorin sira. Eskriba no fariseu sira lori feto ida ne’ebé ema toman halo sala ho mane seluk. Sira tau feto ne’e iha klaran hodi dehan ba Jesus: “Mestre, ema toman feto ne’e halo sala ho mane seluk. Tuir ukunfuan, Moises haruka ita atu tuda mate feto sira hanesan ne’e. O dehan sa los?” 

Sira husu ne’e hodi koko Nia, atu sira bele hetan lia ruma hasouru Nia. Maibé Jesus hakru’uk, hodi hakerek iha rai ho nia liman fuan. Tan sira litik nafatin Nia hodi husu Nia, Nia hamriik los hodi dehan ba sira: “Imi ida ne’ebé sala la iha, nia mak tuda uluk feto ne’e!” Rona tiha liafuan hirak ne’e, sira idaida sai dau-daun, hahu housi katuas sira.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin, Jesus dezafia lider relijiozu sira ne’ebé atu tuda feto adultero se sira laiha sala. Laiha ida ne’ebé hakat ba oin hanesan iha sira laiha sala ida.
  • Jesus nia atitude ba ema sala nain sira mak ida ne’ebé hadomi no perdausn. Nia la kondena sala nain sira, maibé hatudu ba sira laran luak no lori sira atu labele sala tan.
  • Jesus hadomi ita hoi ta nia imperfeisaun sira. Nia perdua ita incondisionalmente wainhira ita buka Ninia perdaun ho fuan arependidu. Ita boot experimenta ona ksolok arependimentu nian no konsiensia ida ne’ebé mos?