4a Semana Tempu quaresma: Terça-feira 17 Marsu 2026, March 17, 2026

Reflection on the WORD

Maluk sira mak Kristu Hadomi,

“Jesus nia Kompaixão” - Fiar:Jesus kura ema ida ne’ebé moras durante tinan tolu-nulu resin ualu ona; la iha ema ida ne’ebé hatudu kompaixão ba nia, atu ajuda nia tama iha pisina. Reflete; “reza atu simu grasa kompaixaun ba ema seluk nia sofrimentu, no sai hanesan Jesus. Hanoin ita-nia susar rasik, no hatene katak ema seluk mós sofré no presiza ita-nia empatia.”

Jo 5:1-3a,5-9,16

Ne’e liu tiha, Jesus sa’e fali ba Jerusalem, iha ne’ebé Judeu sira halo festa. Iha Jerusalem, besik odamatan bibi sira nian, iha pisina ida naran Betesda iha lia Ebreu, ho portiku lima. Iha neba ema moras barak tur hela: ema matan delek, ain aat no isin mate sira; sira hein be atu book an. 

Iha mos ema moras ida ne’ebé moras tinan tolu nulu resin ualu ona. Hare nia tur iha neba, hodi hatene katak nia moras kleur teb-tebes ona, Jesus husu ba nia: “O hakarak hetan isin diak?” Ema moras ne’e dehan: “Na’i, ha’u la iha ema atu hatama ha’u iha pisina laran; wainhira ha’u tun ba be, ema seluk tama tiha ona uluk liu ha’u.” 

Jesus dehan ba nia: “Hamriik ba, kaer o nia tobafatin hodi la’o ba.” Ema ne’e hetan kedas isin diak. Nia foti nia tobafatin hodi la’o ba. Loron ne’e loron Sabadu. Tuir mai, Judeu sira hahu duni Jesus, tamba Nia halo buat hirak ne’e iha loron Sabadu.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian Jesus too iha ema moras ida ne’ebé moras tinan tolu nulu resin ualu ona. Ida ne’e hatudu mai ita katak kuantu mais ita dezesperado, Na’i nia domin no kompaisaun sei haraik mai ita. 
  • Jesus mos husu ba ita ohin loron, “o hakarak atu hetan isin diak fali?”  “isin diak” ne’ebé Jesus oferese la’os de’it atu hetan kura ita nia moras sira, maibé mos importante liu mak atu bele halo libre ita husi buat ne’ebé kesi ita ba sala attitude sala no hahalok sira. 
  • Reflete ba konvite Jesus nian atu sai ema ne’ebé konverte lolos no atu hela iha moris ida ne’ebé Jesus nia An hatudu ona mai ita. Milagre sir abele akontese wainhira ita hatan “Sim” no loke ita nia fuan hodi fiar iha Ninia poder Divinu hodi fó mai ita buat ne’ebé diak liu.