DGEMs

Maluk sira mak Kristu Hadomi,

“Hadomi Maromak”- Fiar: Iha Evangelho ohin nian, Jesus hatán ba eskribasira katak “Ukun-fuan dahuluk” mak “Hadomi ita-nia Na’i, ho ita-nia fuan tomak, klamar, neon no kbiit tomak. No, “Ukun-fuan daruak” mak hadomi ita-nia maluk sira hanesan ita-nia an rasik.” Refleta, “Ita-nia domin ba Maromak iha ita-nia moris loro-loron tenki totál, sinseru, inkondisionál, no auténtiku.

 Eskriba ida, ne’ebé rona Nia koalia no hare oin sa Jesus hatan diak los ba sira, mai hakbesik Nia hodi husu, “Ukunfuan uluk liu hotu mak ida ne’ebé los?” Jesus hatan, “Ida ne’ebé uluk liu mak: ‘Rona ba, Israel. Na’i, ita nia Maromak, mak Na’i ida mesak. O sei hadomi Na’i, o nia Maromak ho o nia fuan tomak, ho o nia klamar tomak, ho nia hanoin tomak no ho o nia kbiit tomak.’ Ida tuir nia mak ne'e: ‘O sei hadomi o nia maluk nudar o nia an rasik. La iha tan ukunfuan ne’ebé boot liu sira ne'e.” 

              Eskriba ne'e dehan ba Nia, “Diak, Mestre.  Ho lialos, Ita dehan katak Maromak ida de’it; la iha tan ida seluk, Nia mesak de’it. Hadomi Nia ho fuan tomak, no ho hanoin tomak no kbiit tomak, no hadomi maluk hanesan an rasik mak boot liu buat karan sunu no sakrifisiu hotu.” 

             Jesus, hare katak nia koalia ho matenek, dehan ba nia, “O la dook housi Maromak nia reinu!” La iha tan ema ne’ebé berani atu husu buat ruma ba Nia.