3a Semana tempo quaresma: Quinta-feira 12 Marsu 2026, March 12, 2026
Reflection on the WORD
Maluk sira mak Kristu Hadomi,
Hahalok aat tanba fiar la loos: “Iha Evangelho ohin nian, ema lubun akuza Jezús uza Belzebul, liurai diabu nia kbiit atu hatudu Ninia milagre sira. Maibé, iha ema seluk ne'ebé hakfodak ho Jezús. Nia hatán, “Ema ne'ebé la hamutuk ho Ha'u, nia kontra Ha'u.”Refleta, “Se ita buka ho laran-metin Maromak nia Lia-loos; “ita la kontra Jesus.”
Lk 11:14-18a,20, 23
Jesus duni sai dau-daun diabu ida ne’ebé monok. Wainhira diabu sai tiha, ema monok koalia hodi halo povu tomak hakfodak. Maibé ema balun dehan: “Nia duni sai diabu hodi Beelzebu, diabu sira nia ulun, nia naran.” Balun fali husu ba Nia sinal ida housi lalehan, atu koko Nia. Maibé , hatene tiha sira nia hanoin, Nia dehan ba sira:
“Reinu hotu ne’ebé fahe malu sei sobu rahun, no uma ida sei monu iha uma seluk nia leten. Nune’e mos, Satanas fahe karik nia an ba rua, nia reinu sei tahan oin sa los? Maibé Ha’u duni sai diabu sira hodi Maromak nia limanfuan karik, ne’e dehan katak Maromak nia reinu to’o ona ba imi. Ida ne’ebé la hamutuk ho Ha’u, nia hasouru Ha’u; no ida ne’ebé la halibur ho Ha’u, nia sei namkari.
Today's Pointers on God's Word
As you read the passage what words, phases or meanings caught your attention?
- Jesus duni sai diabo iha ema monok ida. Em vez de move husi aktu divinu no lori ba fiar iha Jesus Nu’udar ita nia Salvador, Judeu sira hele iha nakukun no hili atu interpreta eventu ne’e hanesan demoniku.
- Ita nia an positivu oinsa hodi interpreta buat diak sira ne’ebé ema halo no eventu haksolok sira ne’ebé akontese iha ita nia moris loro-loron? Se ita labele hanoin positivu, ita bele de’it halo kauza diskordansia no divizaun iha relasaun sira no iha komunidade.
-
Harohan ba grasa espíritu nian atu bele sai instrument dame, lialos no domin nian ba ema seluk iha ita nia moris loro-loron. Sai Kristu ba ema seluk iha tempo tomak hodi sai ema ne’ebé konsiente los katak ita boot mak ambassador ba Nia Liafoun Diak.