DGEMs

Maluk sira mak Kristu Hadomi,

“Jesus – bee matan Moris” - Fiar: Jesus oferese Jesus nia-an nu’udar “bematan Moris” ne’ebé halakonhamrook ne’ebé kle’an liu, ba nafatin; ba feto samaritana. Reflete; “Iha ne’eba, iha buat ruma,ema ruma, ka susesu ksolok ruma iha mundu ohin loronne’ebé bele satisfeitu ba ita-nia hakarak ne’ebé kle’an liu no dura to’o rohan-laek?Maromak de’it mak bele fó mai ita Prezente divinu hanesan ne’e!”

Nune’e, Jesus to’o iha Samaria nia sidade ida, naran Sikar, besik to’os ne’ebé Jacob fó ba nia oan Jose. Jacob nia bematan iha neba. Jesus kole ona tan la’o rai; nune’e Nia tur iha bematan nia sorin. Loron besik fahe rua ona. Feto Samaria nian ida mai kuru be. Jesus dehan ba nia: “Fó be mai Ha’u atu hemu.” 

Feto ne’e dehan ba Nia: “Oin sa mak Ita, ema Judeu ida, husu be hemu nian housi ha’u, feto Samaritana ida?” Jesus simu hodi dehan: “O hatene karik Maromak nia presente, no se los mak dehan ba o ‘Fó be mai Ha’u atu hemu,’ o mak sei husu ba Nia, no Nia sei fó be moris ba o.” 

Feto dehan ba Nia: “Na’i, Ita kanaban la iha, bematan mos klean; Ita nia be moris mai housi ne’ebé los? Ita kala boot liu fali ami nia aman Jacob ne’ebé fó bematan ne’e mai ami? Jesus hatan ba nia dehan: “Ema hotu ne’ebé hemu be ne’e sei hamrook fali; maibé ema ne’ebé hemu be ne’ebé Ha’u sei fó sei la hamrook ba nafatin, maibé be ne’ebé Ha’u fó ba nia sei sai nudar bematan ne’ebé suli ba moris rohan laek iha nia laran.”