2a Semana tempo quaresma: Sexta-feira 6 Marsu 2026 March 6, 2026

Reflection on the WORD

Maluk sira mak Kristu Hadomi,

"Kaan-teen no hahalok a’at" - Fiar: Jesus haklaken ai-knanoik kona-ba "Rai-na'in no ninia toos nain sira". Toos-na'in sira ("amlulik boot sira"), ne'ebé nakonoho kaan-teen;oho tiha atan sira hotu no rai-na'in nia oan-mane; bainhira sira bahusu selu ba utilizasaun rai ne’ebé ema sira uza. Reflete;“Kaan-teen bele transforma ba hahalok aat liu. Reza atu hetan grasa konversaun nian ho haraik-an nian.”

Mt 21:33-38, 42-43

 Jesus dehan ba Nailulik boot no ema katuas sira: “Rona tan aiknanoik ida ne’e. Ema ida kuda uvas iha to’os ida. Hale’u tiha ho lutu, nia ke’e fatin sama uvas ida iha to’os laran hodi harii uma aas ida; nia saran ba ema sira, hafoin nia ba rai dook ida.            

         To’o tempu atu ku’u uvas nian, nia haruka nia atan atu ba husu buat ne’ebé monu ba nia. Maibé ema sira ne’e kaer atan sira, baku ida, oho ida seluk, tuda ida seluk tan. Tuir mai nia haruka tan atan sira seluk, barak liu fali sira uluk, maibé ema sira halo mos nune’e ba sira. Ikus mai nia haruka nia oan rasik hodi dehan: ‘Sira sei hamtauk ha’u nia oan.’ Maibé hare tiha nia oan, ema sira dehan ba malu: ‘Ida ne’e mak liman rohan na’in. Ita oho nia ba, atu ita sei manan nia liman rohan.” Jesus dehan ba sira: “Imi seidauk le’e Eskritura sira, ‘Fatuk ne’ebé badaen sira hewai nakfila fali ba fatuk inan? Ne’e, buat ne’ebé Na’i halo, kmanek tebes duni ba ita matan.“Tan ne’e Ha’u dehan ba imi katak Maromak nia reinu sei hasai tiha housi imi hodi fó fali ba povu ida ne’ebé sei fó fuan.”

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian Jesus ko’alia kona-bá fiar ne’ebé Na’i iha ba ema sira hodi haraik ba sira responsabilidade atu tau matan ba Ninia “toos uvas nian” ne’ebé mak ita nia fiar, Ninia Igreja no Ninia kriasaun sira hotu iha mundo ne’e. 
  • Maske ita hetan ona privilejiu ida ne’e no Liberdade atu tau matan ba Na’i nia “toos uvas”, ita dalabarak teste Na’i nia pasiencia no domin liu husi ita nia maneira irresponsavel sala sira. 
  • Reflete ba ita nia moris no husu ita nia an, “oinsa ha’u tau matan ba prezente sira ne’ebé Na’i haraik ona mai ha’u? Oinsa mak ha’u bele muda ha’u nia atitude no maneira sira moris nian atu nune’e sai liu ema ne’ebé responsável ho Na’i nia prezente ne’ebé haraik ona mai ha’u?”