DGEMs

Maluk sira mak Kristu Hadomi,

“Jesus Nakfilak An”-Fiar: Pedro, Tiago no João iha nebé sira hetan bensaun espesial husi Na’i Jesus hodi sai sasin/testamunha ba ninia transfigurasaun/nakfilak-an divinidade ne’e. Privilejiu espiritual ida ne’etoca tebes sira; no ho nune’e Pedro hakarak loos sira hela permanente iha foho tutun neba. Reflete; “Haree fila fila ita boot sira nia esperiensia espiritual sira ne’ebé mak klean liu. Oinsa mak esperiensia sira ne’e haklean liu tan ita nia fiar, domin no esperiensa iha Na’i Jesus?”

Liu tiha loron ne’en, Jesus bolu ketak Pedro, Tiago ho nia alin Joao hodi lori sira mesak ba foho aas ida. Iha neba Nia nakfila An iha sira nia oin. Nia oin nabilan hanesan loron, nia unuk sai mutin hanesan roman. Iha oras neba Moises ho Elias mosu hodi koalia ho Nia. 

Pedro hasa’e lia dehan ba Jesus: “Na’i, diak liu Ita hela ona iha ne’e! Ita Boot hakarak karik, ha’u sei halo takabaluk tolu: ba Ita Boot ida, ba Moises ida, ba Elias ida!” Nia sei koalia hela, kalohan nabilan ida hamahan sira. Hafoin housi kalohan ne’e, lia ida dehan: “Ida ne’e mak Ha’u nia Oan doben, ne’ebé fó ksolok mai Ha’u. Rona Nia ba!” 

Rona tiha ne’e, eskolante sira monu ho oin ba rai hodi tauk teb-tebes. Jesus hakbesik hodi kona sira dehan: “Hamriik ba, keta tauk!” Foti tiha sira matan, sira hare de’it Jesus; la iha tan ema ida. Wainhira sira tun dau-daun housi foho, Jesus haruka sira: “Keta haktuir ba ema ida buat ne’ebé imi foin hare to’o Oan Mane moris hi’as fali housi mate.”