1ª Semana Kuarezma: Kinta-feira, loron 26 fulan Fevereiru, 2026, February 26, 2026

Reflection on the WORD

Maluk sira mak Kristu hadomi,

“Maromak Nia Promesa Sira”- Fiar na’in:Jesus promete ba Nia eskolante sira katak “Husu ba,imi sei simu; buka ba, imi sei hetan: tuku odamatan ba, odamatan sei nakloke ba imi.” Reflete; Jesus promete buat sira ne’e hotu ba fiar na’in sira, basá Nia Aman iha lalehan hadomi ita rohan la’ek no hakarak ita atu hamoris ita nia relasaun pesoal ho Nia,Nia Oan Mane no Espíritu Santu.”

Mt 7:7-12

7“Husu ba, imi sei simu; buka ba, imi sei hetan: tuku odamatan ba, odamatan sei nakloke ba imi. 8Basa ema ne’ebé husu sei simu; ema ne’ebé buka sei hetan; no ba ema ne’ebé baku odamatan, odamatan sei nakloke ba nia. 9Imi ida ne’ebé, wainhira nia oan husu paun, sei fo fatuk ba nia? 10Ka, wainhira husu ikan, sei fo samea ida ba nia? 11Ne'e duni, imi sira ne’ebé aat hatene fo buat diak ba imi nia oan sira, liu tan mak imi nia Aman iha lalehan sei la fo buat diak ba sira ne’ebé husu ba Nia!”

12“Ne'e duni, buat hotu ne’ebé imi hakarak ema halo ba imi, imi mos halo ba sira; basa ne'e mak ukunfuan no Profeta sira.”

Today's Pointers on God's Word

As you read the passage what words, phases or meanings caught your attention?

  • Jesus hanorin ita atu reza ho konfiansa. Nia dehan mai ita katak ita iha Aman Lalehan ne’ebé konstantemente no grasiozamente hatan ba ita nia orasaun sira hotu, liu fali ita nia espetasaun sira.  
  • Entaun ita bele ho fiar-an hakbesik ba ita Aman Lalehan, basá iha Ninia di’ak no domin mai ita, Nia sempre hatan ba ita nia orasaun sira, maibé iha Ninia sabedoria, Nia haraik mai ita buat ne’ebé di’ak liu ba ita. 
  • Jesus mós hein ita katak ita reza ba buat di’ak iha ita nia moris. Ita tenke respeita no hadomi ema hotu; inklui ema sira ne’ebé la konkorda ho ita, hakanek ita nia sentimentu no iha vizaun ba moris ne’ebé la hanesan ho ita nian. Husu ba Na’i, grasa atu hadomi no nakloke ba ema seluk.