DGEMs

Maluk sira mak Kristu hadomi,

“Reza-Nudar Maromak hakarak”:Jesus hanorin Nia eskolante sira atu halo orasaun. Uluk-nanain ita tenke hahí Maromak ita nia Aman; buka Nia hakaran no iha relasaun ho Nia ho dependénsia haraik-an nian ba ita nia nesesidade sira no reza atu ita labele monu ba tentasaun sira. Simu tiha ona Maromak Nia domin mizerikordiozu wa’in tebes, ita mós tenke perdua malu. Reflete; ita reza orasaun ida ne’e ho laran mos no haraik-an?

7Wainhira imi reza, keta koalia barak hanesan gentiu sira; sira hanoin katak ho sira nia liafuan bar-barak, Na’i sei rona sira. 8Keta halo hanesan sira basa imi nia Aman hatene buat ne’ebé imi kuran molok imi husu ba Nia. 9Ne'e duni, harohan nune'e ba: ‘Ami Aman iha lalehan, halo Ita naran sai santo. 10Halo Ita nia reinu to'o mai ami; halo tuir Ita nia hakarak ba iha rai nudar iha lalehan. 11Haraik aihan loron loron nian mai ami. 12Haraik perdua ba ami nia tusan, nudar ami perdua sira ne’ebé iha tusan ho ami. 13Keta husik ami monu ba tentasaun, maibe hasai ami housi buat aat.14Basa imi perdua karik ema sira nia sala, imi Aman iha lalehan mos sei perdua imi nia sala sira. 15Maibe imi la perdua karik ema seluk, imi nia Aman mos sei la perdua imi nia sala sira.”