DGEMs

Maluk sira mak Kristu hadomi,

“Jesus- Tentadu”: Diabu tenta Jesus ne’ebé hadera-an ona durante loron haat-nulu no kalan haat-nulu iha rai-fuik maran (dezertu) ho rikusoin (ai-han), onra mundu nian no loko-an (foti-an). Jesus ultrapsa tentasaun tolu ne’e liu-hosi Nia kompromisu ne’ebé kle’an ba Nia Aman Nia hakaran. Reflete; Satanas nia estratéjia sira mak atu tenta ita nia frakeza principal sira iha ita nia moris, hanesan ita nia inseguransa sira, ta’uk sira, hirus, nesesidade gratifikasaun nian no importante liu hotu-hotu mak ita nia loko-an (foti-an).

1Liu tiha ne'e, Espiritu lori Jesus ba rai fuik maran, atu diabu babeur Nia. 2Ba loron haat nulu no kalan haat nulu, Nia hadera an. Ikus mai Nia hamlaha. 3Diabu hakbesik ba Nia hodi dehan: “O Maromak nia Oan karik, haruka fatuk sira ne'e nakfila ba paun.” 7Jesus hatan ba nia: “Hakerek nanis mos ona: ‘O keta babeur Na’i, o nia Maromak.’”

8Hafoin diabu lori Nia ba foho aas liu hodi hatudu ba Nia mundu nia reinu hot-hotu ho nia gloria, 9hodi dehan ba Nia: “Buat sira ne'e hotu ha'u sei fo ba O, naran O hakneak hodi adora ha'u.” 10Ho ida ne'e, Jesus dehan ba nia: “Dook tiha, Satanas, basa hakerek ona: 'O sei adora o nia Na’i, o nia Maromak; Nia deit mak o sei hanai.” 11Nune'e, diabu husik tiha Nia, anju sira mai serbi Nia.