Sesta-feira hafoin Kuarta-feira Sinzas: loron 20 fulan Fevereiru, 2026, February 20, 2026
Reflection on the WORD
Maluk sira mak Kristu hadomi,
“Jesus Nia Prezensa iha ita nia moris”-Fiar:Jesus fó hanoin ba Farizeu sira atu dedika sira nia moris ba Maromak.Aman Maromak haruka ona Ninia Mesias, ne’ebé enkarna-an iha Jesus ba sira. No sira labele fixu sira nia hanoin no estilu moris tuan nian ne’ebé halo sira espiritualmente delek hosi Lia-los Lia-Foun Di’ak. Reflete; ita hatuur Jesus iha sentru no sentidu ita nia moris nian lor-loron?
Mt 9:14-15
14Liu tiha ne’e, Joao nia eskolante sira hakbesik ba Nia dehan: “Tansa mak ami ho fariseu sira hadera an, maibe o Nia eskolante sira lae?” 15Jesus hatan ba sira: “Noivu nia belun sira bele laran susar wainhira noivu sei hela ho sira? Loron sei to’o mai wainhira ema sei hasai noivu housi sira le’et; iha loron ne’e mak sira sei hadera an.”
Today's Pointers on God's Word
As you read the passage what words, phases or meanings caught your attention?
- Iha tempu no espasu ba hadera-an. Jesus la hein ita atu hadera-an iha tempu hot-hotu (bei-beik).
- Hadera-an laos kona-bá hahan mesak de’it, maibé importante liu kona-bá ita nia esforsu auto-sakrifisiu no hewai-an nian ba Maromak. Entaun, asaun sira hanesan ne’e tenke halo iha uniaun ho sofrimentu ne’ebé Kristu tahan ba ema hotu-hotu nia maksoin.
-
Saida mak ita deskobre (sente) nudar ita nia difikuldade boot liu hotu-hotu atu husik tiha, ne’ebé bele tulun ita atu haburas ita nia relasaun ho fen eh la’en, família, belun sira, no seluk tan? Oinsá ita bele husik tiha asaun abitual no hahalok sira ne’e durante tempu Kuarezma ida ne’e?