Kinta-feira hafoin Kuarta-feira Sinzas: loron 19 fulan Fevereiru, 2026, February 19, 2026

Reflection on the WORD

Maluk sira mak Kristu hadomi,

“Sabedoria Moris nian” – Fiar:Jesus haklaken ba Nia eskolante sira ho sabedoria boot, “ema ne’ebé lakon nia moris tanba Ha’u; nia sei soi nia moris.”Ema manan saida wainhira nia manan mundu tomak, maibé lakon nia-an rasik? Reflete; Jesus Nia sabedoria fó hanoin mai ita katak ita nia moris nia objetivo maka atu hahí, hana’i no serbí Maromak. No simu ita nia ksolok rohan laek ka terus rohan laek?

Lk 9:22-25

22dehan: “Oan Mane sei terus barak: katuas sira, amlulik boot no eskriba sira sei hakribi Nia hodi oho Nia; no liu tiha loron tolu Nia sei moris hi’as.” 23Jesus dehan ba sira hotu: “Ema ruma hakarak tuir Ha’u karik, nia sei hewai nia an rasik, kaer nia krus loron loron nian hodi tuir Ha’u. 24Basa ema ne’ebé hakarak soi nia moris, sei lakon moris ne’e; maibe ema ne’ebé lakon nia moris tamba Ha’u, sei soi nia moris. 25Ema manan sa ida wainhira nia manan mundu tomak, maibe lakon nia an rasik?

Today's Pointers on God's Word

As you read the passage what words, phases or meanings caught your attention?

  • Se ita hakarak sai nudar Jesus Nia eskolante, entaun ita tenke hakuak kruz. Ita nia reasaun inisial ba Jesus Nia Liafuan iha Evangelho ohin mak ida ansiedade no ta’uk. 
  • Enkuantu ida ne’e los ba ita emosionalmente, ita nia fiar asegura ita katak Jesus sei nafatin hamutuk ho ita atu lori ita nia kruz parte balun ne’ebé todan liu ba ita. Ita nunka mesak. 
  • Kruz la’os sinal ba moras no sofrimentu. Esensialmente, kruz ne’e mak serbisu domin nian ba Maromak no ita nia partisipasaun iha Kristu Nia misaun hodi soi mundu. Ita prontu atu sai nudar Jesus Nia eskolante ka lae?