6ª Semana Tempu Komun: Tersa-feira, loron 17 fulan Fevereiru, 2026, February 17, 2026
Reflection on the WORD
Maluk sira mak Kristu hadomi,
“Apóstolu sira nia Fiar”:Apóstolu sira la iha paun natoniha ro laran. Jesus haksi’ak sira tanba kuran fiar iha Nia. Nia halo tiha ona milagre paun fuan lima hodi fó han ema rihun lima no milagre paun fuan hitu hodi fó han ema rihun haat, respetivamente. Reflete; Ita nia fiar iha Jesus sei fraku, maske ita hetan ona milagre barak hosi Nia?”
Mk 8:14-21
14Eskolante sira haluha lori paun. Sira iha paun fuan ida deit iha ro laran. 15Nia hateten ba sira dehan: “Matan moris neon na'in ba kona ba fariseu no Herodes sira nia fermentu.” 16Sira dehan ba malu: “Ita la iha paun.” 17Jesus hatene sira nia hanoin, dehan ba sira, “Tan sa imi haksesuk malu katak imi la iha paun? Imi seidauk hare no komprende? Imi nia fuan sira tos hela ka? 18Imi matan iha maibe la hare? Tilun iha maibe la rona? Imi la hanoin hetan:19wainhira Ha’u silu paun fuan lima ba ema rihun lima, imi halibur paun rahun luhu hira?” Sira hatan, “Sanulu resin rua.” 20Wainhira Ha’u silu paun fuan hitu ba ema rihun haat, imi halibur fali paun rahun luhu hira?” Sira hatan, “Hitu." 21Nia dehan teni ba sira, “Imi seidauk komprende?”
Today's Pointers on God's Word
As you read the passage what words, phases or meanings caught your attention?
- Ita bele sente Jesus Nia frustrasaun sira ba Nia eskolante sira tanba sira la kompreende Nia hanorin sira no Nia milagre sira.
- Dala-ruma ita bele sai hanesan eskolante sira, hodi haluha kompletamente Maromak Nia jenerozidade no providénsia, no hili de’it inkonvinensia no difikuldade ki’ik sira.
-
Se ita la apresia Maromak Nia jenerozidade, oinsá mak ita bele fó ita nia-an ba ema seluk? Ita nia neon taka hela ka lae? Ita iha matan ne’ebé la haré no tilun ne’ebé la rona?