DGEMs

Maluk sira mak Kristu hadomi,

“Kura- Fiar, Haraik-an”: Jesus kura feto gentiu nia oan feto ne’ebé diabu tama nia laran. Nia iha haraik-an ne’ebé boot no fiar ne’ebé kle’an iha Jesus. Reflete; wainhira ita husu ho laran tomak ba Maromak atu kura ita nia moras no haraik grasa mai ita nia nesesidade sira seluk, ita halo ida ne’e ho sinseridade no haraik-an? No ita fiar katak Maromak hatene saida mak di’ak liu mai ita nia salvasaun?”

24 Hafoin Jesus sai housi neba, la'o ba rai Tiro no Sidonia. Nia tama iha uma ida, basa Nia lakohi katak ema ruma hatene, maibe Nia la bele subar an. 25Feto ida rona kedas kona ba Nia. Feto ne’e nia oan feto iha diabu iha nia laran. Feto ne'e hakbesik no tuku tur ba Nia. 26Nia ema gentiu ne’ebé mai hous rai Siro Fenisia.  Nia husu Jesus atu duni sai diabu housi nia oan feto. 27Jesus dehan ba nia, “Husik oan sira han di-diak lai. Hasai aihan housi oan sira hodi soe fali ba asu oan sira la diak.” 28Feto ne'e hatan ba Nia, “Los duni, Na’i, maibe asu oan sira mos iha meja okos han paun rahun ne’ebé monu housi oan sira.” 29Jesus dehan ba feto ne’e, “Tan o nia liafuan sira ne'e, ba uma ona. Diabu sai tiha ona housi o nia oan.” 30Wainhira feto ne'e to'o uma, nia hetan nia oan feto toba hela iha tobafatin. Diabu la iha ona.