5ª Semana Tempu Komun: Tersa-feira, loron 10 fulan Fevereiru, 2026, February 10, 2026
Reflection on the WORD
Maluk sira mak Kristu hadomi,
Laran Makerek-Fiar:Iha Evangelho ohin nian, Jesus haksi’ak Farizeu sira, basá sira laran makerek hodi prátika sira nia fiar. Sira obzerva ou halo tuir ritus atu ema haré husi liur de’i ho detalle tebes, maibé la obedese Maromak Nia Ukun-fuan sira hodi halo tratamentu ba ema seluk ho justisa no mizerikórdia. Reflete; valor sira hosi ita nia fiar, wainhira ita prátika fielmente, lori ita ba hadomi Jesus kle’an liu-tan.
Mk 7:1-2, 5-8
1Loron ida, eskriba no fariseu balun mai housi Jerusalem, hakbesik an ba Jesus. 2Sira hare katak Nia eskolante sira han paun ho liman foer, katak seidauk fase liman. . 5Tan ne'e fariseu no eskriba sira husu ba Nia, “Tan sa O nia eskolante sira la tuir bei ala sira nia lisan, maibe sira han paun ho liman foer?” 6Nia lia tun ba sira, “Profeta Isaias koalia lo-los duni kona ba imi, ema laran makerek sira, wainhira nia hakerek dehan: ‘Povu ne'e hanai Ha’u ho ibun tutun deit, maibe nia laran dook liu housi Ha’u. 7Sira hahi Ha’u le’et deit, maibe buat ne’ebé sira hanorin mesa ema nian.’ 8Husik tiha Maromak nia ukunfuan, imi tuir fali ema nia lisan.”
Today's Pointers on God's Word
As you read the passage what words, phases or meanings caught your attention?
- Fasil tebes atu monu ba tentasaun superfisial iha dalan prátika ita nia fiar. Ita foka ba buat ne’ebé la esensiál iha ita nia fiar hodi lakon esénsia ba ita nia salvasaun no ema seluk nian.
- Ita lakon tempu sira ne’ebé wainhira Maromak koko dau-daun atu lori ita ba foka oinsá atu moris tuir Lia-Foun Di’ak ne’ebé Jesus haklaken.
-
Nune’e, kada loron ida tomak, ita lakon oportunidade barak ne’ebé Maromak haraik mai ita, atu hala’o ita nia moris tuir buat ne’ebé Maromak hakarak ita atu halo. Bele ka la’e ita identifika oportunidade sira ne’ebé mak ita lakon ona iha loron ohin?