DGEMs

Maluk sira mak Kristu hadomi,

“Kbi’it Aat Nian”-Faith: Herodiades hirus maka’as João Batista, basá João Batista hatudu nia sala adultériu ho liurai Herodes; nune’e Herodiades planu atu oho João Batista. Iha nia vingansa a’at, nia hili atu oho João, em vez de hetan eransa balun (metade) hosi liurai Herodes nia rikusoin. Reflete; espíritu aat sira nia stratejia sira hodi koko atu estraga ita nia fiar, esperansa no dominiha Maromak, sempre liu-hosi ataka ita nia frakeza prinsipál sira.

17Herodes rasik haruka kaer Joao Baptista, hodi hatama nia iha dadur laran tamba Herodiade, Herodes nia alin Filipe nia kaben ne’ebé nia hola fali. 18Basa Joao dehan ba Herodes, “Tuir ukunfuan, o la bele hola fali o nia alin nia kaben!” 19Herodiade laran moras teb-tebes hasouru nia hodi hakarak oho nia, maibe nia la bele, 20basa Herodes tauk Joao, ne’ebé nia hatene nudar ema diak no santu ida. Herodes tau matan ba nia. Wainhira nia rona nia koalia, nia laran taridu barak, maibe nia haksolok atu rona nia. 

21Tempu diak ida mosu mai wainhira Herodes halo tinan. Nia halo festa boot ida ba soldadu sira nia na’i ulun sira no mos ba ema boot sira rai Galileia nian. 22Wainhira Herodiade nia oan feto mai dansa,  nia fo ksolok boot ba Herodes ho nia maluk sira ne’ebé tur iha meja. Tan ne'e, liurai dehan ba feto ne'e, “Husu buat naran deit ne’ebé o hakarak, Ha’u sei fo ba o.” 23Nia dehan tan hodi jura, “Ha’u sei fo buat naran  deit  ne’ebé o sei husu, maski ha’u nia reinu nia sorin balun ida.” 24Feto ne'e sai hodi husu nia inan, “Ha’u sei husu sa los?” Nia hatan, “Joao Baptista nia ulun.” 25Feto ne'e halai kedas ba liurai hodi hateten, “Ha’u hakarak katak ita boot fo mai ha’u, ohin kedas, Joao Baptista nia ulun iha bandeja ida.” 26Liurai laran susar teb-tebes tan nia juramento  no mos tamba nia maluk sira, nia lakohi la halo tuir nia. 27Nune’e, liurai haruka kedas soldadu ida atu  lori Joao nia ulun. Ema ne’e la’o ba hodi tesi Joao nia ulun iha dadur laran.